-
बॉलिवूड अभिनेत्री सोनाली बेंद्रे सोशल मीडियावर नेहमीच सक्रिय असते.
-
९० च्या दशकातील लोकप्रिय अभिनेत्री म्हणून सोनाली बेंद्रे ओळखली जाते.
-
सोनाली बेंद्रेला २०१८ मध्ये कर्करोगाचं निदान झालं होतं.
-
मात्र कर्करोगाशी झुंज देत सोनालीने त्यावर यशस्वीपणे मातही केली.
-
या काळात ती सोशल मीडियाद्वारे चाहत्यांमध्ये कर्करोगाबद्दल जनजागृती करतानाही दिसली होती.
-
सोनाली बेंद्रेनं बॉलिवूडमध्ये ‘सरफरोश’, ‘जख्म’, ‘हम साथ साथ हैं’ आणि ‘डुप्लीकेट’ यांसारखे सुपरहिट चित्रपट दिले आहेत.
-
९० च्या दशकात आपल्या फॅशन आणि स्टाइलसाठी प्रसिद्ध असलेल्या सोनालीला बॉडी शेमिंगचा सामना करावा लागला आहे.
-
अलिकडेच दिलेल्या एका मुलाखतीत सोनालीनं ९० च्या दशकातील बॉडी शेमिंगच्या धक्कादायक अनुभवाचा खुलासा केला आहे.
-
बॉडी शेमिंगवर स्पष्ट मत मांडताना सोनालीने तिला बॉलिवूडमध्ये आलेला अनुभव शेअर केला.
-
९० च्या दशकात सडपातळ असणाऱ्या अभिनेत्रींना किंवा मुलींना सुंदर म्हटलं जात नव्हतं असं सोनालीनं या मुलाखतीत सांगितलं.
-
सोनाली म्हणाली, “मला अनेकदा माझ्या सडपातळ शरीरयष्टीवरून हिणवलं जायचं. कारण त्या काळात बारीक असणं ही सौंदर्याची व्याख्या नव्हती.”
-
“मी बारीक होते त्यामुळे, तू कर्व्ही नाहीस म्हणून तू सुंदर नाहीस असंही मला अनेकदा सांगण्यात आलं.” असा खुलासा सोनालीनं केला.
-
बॉडी शेमिंगबद्दल सोनाली म्हणते, “आजही समाजात बॉडी शेमिंग होताना दिसतं पण हे अतिशय चुकीचं आहे असं मला वाटतं.”
-
“विशेषतः लहान वयातील मुली आजकाल डाएटिंग करताना दिसतात. पण हे त्यांच्यासाठी चांगलं नाही.” असंही सोनाली म्हणाली.
-
याशिवाय या मुलाखतीत सोनालीनं तिच्या कर्करोगाच्या लढाईवरही भाष्य केलं.
-
ती म्हणाली, “मला स्टेज ४ च्या कर्करोगाचं निदान झालं होतं आणि यातून जगण्याची शक्यता फक्त ३० टक्के असल्याचं डॉक्टरांनी म्हटलं होतं.”
-
कर्करोगाच्या लढाईबद्दल सोनाली पुढे सांगते, “मी यातून ठीक झाल्यावर फोटोशूट केलं होतं ज्याची खूप चर्चा झाली होती.”
-
“ते शूट केलं तेव्हा मी शस्त्रक्रियेचा व्रण लोकांना दाखवायला घाबरत होते आणि ही भीती घालवण्यासाठी मी ते फोटोशूट केलं होतं.” असंही सोनालीने सांगितलं.
-
आपल्या या प्रवासाबद्दल सोनाली म्हणते, “जेव्हा तुम्हाला एखाद्या गोष्टीची भीती वाटते तेव्हा ती तुम्ही तिथेच संपवायला हवी, यामुळे तुम्ही त्या दुःखातून लवकर बाहेर पडता.”
-
दरम्यान कर्करोगावर मात केल्यानंतर सोनालीनं मोठ्या पडद्यावर पुन्हा कमबॅक केलं आहे.
-
तिची ‘द ब्रोकन न्यूज’ वेब सीरिज अलिकडेच प्रदर्शित झाली आहे.
-
याशिवाय सोनाली काही टीव्ही शोमध्ये परीक्षकांच्या भूमिकेतही दिसली होती.
-
( सर्व फोटो- सोनाली बेंद्रे इन्स्टाग्राम )
VIDEO: बापरे! मगरीच्या शिकारीसाठी शार्क मासा चक्क समुद्र किनाऱ्यावर आला; अन् १० सेकंदात जे झालं ते पाहुन तुमचाही उडेल थरकाप
