-
मराठी-हिंदी चित्रपट, नाटक आणि मालिकांमधील एक प्रसिद्ध अभिनेत्री म्हणून नेहा जोशीला ओळखले जाते.
-
नुकतंच नेहा जोशी ही विवाहबंधनात अडकली आहे. ओमकार कुलकर्णी असे तिच्या पतीचे नाव आहे.
-
नेहा आणि ओमकार यांचा विवाह नुकताच संपन्न झाला.
-
याचे अनेक फोटो तिने सोशल मीडियावर शेअर केले आहेत.
-
पण तिने या लग्नाचा कोणताही गाजावाजा केला नाही.
-
अगदी घरगुती पद्धतीने, मोजक्या नातेवाईकांच्या उपस्थितीत त्यांचा विवाहसोहळा पार पडला.
-
अभिनेत्री नेहा जोशीचा पती ओमकार हा मराठी चित्रपटातील प्रसिद्ध अभिनेता आहे.
-
त्यासोबत तो लेखक आणि कवी देखील आहे.
-
नेहा ही ३८ वर्षांची असून ओमकार हा तिच्यापेक्षा एक वर्षांनी लहान आहे.
-
नुकतंच ‘ई-टाईम्स’ला दिलेल्या एका मुलाखतीत नेहाने गुपचूप लग्न का केले? याचा खुलासा केला आहे.
-
यात ती म्हणाली, “लग्न ही माझ्यासाठी अतिशय खाजगी बाब आहे आणि त्यामुळे यातील सर्व सोहळे हे मी माझ्यापुरती मर्यादित ठेवले.
-
“मी लग्न करणार असल्याची गोष्ट फारच खासगी ठेवायची होती, कारण मला तेच करायचे होते.”
-
“माझ्या कुटुंबातील सदस्यांसाठी आणि इतर जवळच्या लोकांसाठी मला एक साधे महाराष्ट्रीयन पद्धतीने लग्न करायचे होते. “
-
“त्यानुसार आज (१७ ऑगस्ट) आम्ही लग्न केले आणि उद्या कोर्ट मॅरेज करुन रिसेप्शन करु”, असे नेहाने म्हटले.
-
नेहाच्या लग्नाचे सुदंर फोटोही आता समोर आले आहे. या फोटोंवर शुभेच्छांचा वर्षाव केला जात आहे.
-
मराठी सिनेसृष्टीतील अनेक कलाकारांनी यावर कमेंट करत तिला शुभेच्छा दिल्या आहेत
-
नेहाने आतापर्यंत अनेक मराठी नाटक, मालिका आणि चित्रपटात भूमिका साकारली आहे.
-
‘वाडा चिरेबंदी’, ‘बेचकी’, ‘कनुप्रिया’ या नाटकात तिने फार उल्लेखनीय काम केले आहे. त्यासोबतच ‘झेंडा’, ‘पोश्टर बॉइज’, ‘लालबागची राणी’, ‘बघतोस काय मुजरा कर,’ अशा चित्रपटातही ती झळकली होती.
Ajit Pawar : धनंजय मुंडे नैतिकतेच्या आधारावर राजीनामा देणार का? विचारताच अजित पवारांचं उत्तर, “मी इतकं स्पष्ट सांगतो….”
