आशा पारेख यांचं ‘या’ कारणावरून धर्मेंद्रशी झालं होतं जोरदार भांडण; जाणून घ्या अभिनेत्रीचे को-स्टारशी कसे होते संबंध

1/12

यंदाचा प्रतिष्ठित दादासाहेब फाळके पुरस्कार ज्येष्ठ अभिनेत्री आशा पारेख यांना जाहीर करण्यात आला आहे.

2/12

त्यांना चित्रपट क्षेत्रात आणि अभिनयातील योगदानासाठी हा पुरस्कार देण्यात आला आहे. 

3/12

आपल्या दमदार अभिनयाने ६० ते ७० च्या दशकात बॉलिवूड गाजवणाऱ्या अभिनेत्री म्हणून त्यांना ओळखले जाते. 

4/12

६०-७० च्या दशकात सर्वाधिक मानधन घेणारी अभिनेत्री अशी त्यांची ओळख होती.

5/12

आशा यांचे नृत्य पाहून दिग्दर्शक बिमल रॉय यांनी त्यांना १९५७ मध्ये प्रदर्शित झालेल्या ‘मां’ चित्रपटामध्ये काम करण्याची संधी दिली. त्यानंतर त्यांनी ‘बाप बेटी’ या चित्रपटासह ९५ हून अधिक चित्रपटात काम केले.

6/12

राजेश खन्ना, मनोज कुमार , सुनील दत्त आणि धर्मेंद्र यांसारख्या प्रसिद्ध अभिनेत्यांसोबत आशा पारेख यांनी स्क्रिन शेअर केली.

7/12

आशा पारेख यांची सहकलाकारांबरोबरची ऑन स्क्रिन केमिस्ट्री सर्वांना ठाऊकच आहे. पण त्यांचे खरे आयुष्यात त्यांच्याशी नाते कसे होते ते जाणून घेऊयात.

8/12

आशा पारेख यांनी शम्मी कपूरबरोबर त्यांचा पहिला चित्रपट केला होता. त्यांना शम्मीजींबरोबर काम करताना कंफर्टेबल वाटायचं असं त्या सांगतात.

9/12

शम्मी कपूर यांची कामाची पद्धत शिकून घेतल्याने त्यांच्याबरोबर काम करताना कोणतीही अडचण यायची नाही, असं त्या सांगतात.

10/12

आशा पारेख या धर्मेंद्र यांना खोडकर म्हणतात. सुरुवातीला धर्मेंद्रबरोबर त्यांचा वाद झाला होता. कारण त्यांना धर्मेंद्रच्या दारू पिण्याच्या सवयीचा राग यायचा. नंतर धर्मेंद्र यांनी आशा पारेख यांच्याबरोबर काम करताना दारू पिणं सोडलं आणि दोघांमध्ये चांगली मैत्री झाली.

11/12

राजेश खन्ना यांच्याबरोबर अनेक चित्रपटांमध्ये काम केलेल्या आशा पारेख यांनी त्यांचे वर्णन सेटवर कमी बोलणारे असं केलं होतं.

12/12

फिरोझ खान त्या काळचे सर्वात स्टायलिश अभिनेते होते, असं आशा पारेख यांना वाटायचं. (सर्व फोटो – इंडियन एक्सप्रेस व सोशल मीडियावरून साभार)