-
‘मोहब्बते लुटाउंगा’ हे गाणं ऐकलं की आपल्या डोळ्यासमोर इंडियन आयडलचा पहिला विजेता अभिजीत सावंत उभा राहतो. त्यावेळी त्याच्या या गाण्याने प्रेक्षकांच्या मनावर अधिराज्य गाजवलं.
-
या गाण्यामुळे अभिजीत सावंत हे नाव घराघरात प्रसिद्ध झाले. तो इंडियन आयडलच्या पर्वाचा पहिला विजेता ठरला.
-
यानंतर तो सेलिब्रेटी म्हणून ओळखला जाऊ लागला. त्याने आतापर्यंत अनेक मराठी आणि हिंदी गाणी गायली आहेत.
-
आज त्याच्या वाढदिवसानिमित्त त्याचा इंडियन आयडलच्या प्रवास आणि त्याला मिळालेली रक्कम त्याने कुठे खर्च केली याबद्दल जाणून घेणार आहोत.
-
इंडियन आयडलचे पहिले पर्व गायक अभिजीत सावंतने जिंकले होते. ही स्पर्धा जिंकल्यानंतर त्याला अनेक गाण्यांच्या ऑफर आल्या होत्या.
-
अभिजीत सावंतचे आयुष्य रातोरात बदलले होते. इंडियन आयडलचे पहिल पर्व जिंकल्यानंतर त्याला ठराविक रक्कम मिळाली होती.
-
काही महिन्यांपूर्वी एका मुलाखतीदरम्यान त्याने इंडियन आयडलच्या जिंकलेल्या रक्कमेबद्दल भाष्य केले.
-
यावेळी त्याने ती रक्कम कुठे वापरली, त्यातून त्याचे समाधान का झाले नाही याबद्दल स्पष्ट मत व्यक्त केले होते.
-
इंडियन आयडलचे पहिले पर्व जिंकल्यानंतर तुला काही ठराविक रक्कम मिळाली होती, त्याचे तू काय केलंस? असा प्रश्न त्याला एका मुलाखतीदरम्यान विचारला होता.
-
त्यावेळी अभिजीत म्हणाला, “मी त्या रक्कमेची उत्तम गुंतवणूक केली होती. २००८ ला आर्थिक मंदीदरम्यान आम्ही पैशांची बचत केली होती.
-
त्यातून आम्ही काही ठिकाणी गुंतवणूक केली होती. काही वर्षांपूर्वी मी एक घर खरेदी केले. पण आता मात्र मला याचा पश्चाताप होतं आहे,” असे त्याने सांगितले.
-
“कोरोना काळात मी माझ्या गाण्यांमुळे फार असमाधानी होतो. त्यावेळी सर्व गोष्टी सुरळीत चालू होत्या.”
-
“पैसे मिळत होते. पण त्यावेळी मी फार असमाधानी होतो.”
-
“जेव्हा तुम्ही पैशांच्या मागे धावत असता, त्यावेळी तुम्हाला तुमची प्रतिभा, तुमचे संगीत, तुमचे ज्ञान यासारख्या अनेक गोष्टींशी तडजोड करावी लागते,” असेही तो म्हणाला.
-
अभिजीतने इंडस्ट्रीतील शो-ऑफ संस्कृतीबद्दलही भाष्य केले.
-
यावेळी त्याने कबूल केले की त्यालाही यापुढे झुकावे लागतं.
-
अभिजीत इंडियन आयडलचे पहिले पर्व जिंकल्यानंतर त्याला अनेक गाण्यांच्या ऑफर आल्या होत्या. पण त्यानंतर त्याला काम मिळत नसल्याचे त्याने म्हटले होते.
-
सध्या तो लाइमलाइटपासून लांब असल्याचे पाहायला मिळते.
३० वर्षांनतर शनी-शुक्राची होणार युती! २०२५ मध्ये ‘या’ राशींची होणार चांदी, मिळणार अपार पैसा
