-
१२ ऑक्टोबर २०१८ साली भारतीय चित्रपटसृष्टीचे मापदंड मोडीत काढणारा ‘तुंबाड’ हा चित्रपट प्रदर्शित झाला, आणि केवळ माउथ पब्लिसिटीच्या आधाराने या चित्रपटाने बॉक्स ऑफिसवर इतिहास रचला.
-
सुरुवातीला या चित्रपटाकडे कुणी गांभीर्याने बघत नव्हतं, पण हा चित्रपट बघून जसजसे लोकांनी प्रतिक्रिया द्यायला सुरुवात केली तसा हा चित्रपट मोठा होत गेला.
-
आज याच चित्रपटाशी संबंधीत काही माहीत नसलेल्या गोष्टी जाणून घेऊयात.
-
दिग्दर्शक राही अनिल बर्वे यांचा हा चित्रपट २०१५ सालीच तयार झाला होता, पण त्यातले स्पेशल इफेक्ट आणि इतर नवीन बदल करण्यासाठी त्यांना पुढची ३ वर्षं लागली.
-
या चित्रपटातील लोकेशन्स शोधण्यासाठी सुद्धा चित्रपटाच्या टीमला प्रचंड मेहनत घ्यावी लागली.
-
तो भकास वाडा, ती गुहा जिथे आजवर मनुष्य कधीच फिरकला नव्हता अशा जागा राही यांनी शोधून काढल्या.
-
हा चित्रपट लोकांपर्यंत पोहोचवण्यासाठी ६ वर्षं ह्या कलाकारांनी मेहनत घेतली.
-
२०१८ च्या व्हेनीस इंटरनॅशनल फिल्म फेस्टिव्हलमध्ये हा चित्रपट सादर करण्यात आला होता.
-
तुम्हाला आश्चर्य वाटेल पण या चित्रपटाचा शेवटचा सीन केवळ एका कंदीलाच्या प्रकाशात शूट केला गेला आहे.
-
तब्बल ६ वर्षं अभिनेता आणि निर्माता सोहम शहा याला ८ किलो वाढवलेलं वजन कायम ठेवण्यासाठी प्रचंड मेहनत घ्यावी लागायची.
-
चित्रपटात बरीचशी दृश्यं ही पावसातील आहे. चित्रपटाच्या टीमला शूटिंगच्यावेळी पावसाची तासंतास वाट बघत बसावं लागायचं. सलग ४ पावसाळे यासाठी सगळ्यांनी मेहनत घेतली होती.
-
‘तुंबाड’ ही कथा सर्वप्रथम ३ भागात सादर केली जाणार होती, ज्याच्या शेवट फार वेगळा होता, पण नंतर यात बदल करण्यात आले.
-
अभिनेता मोहम्मद समद ज्याने सोहम यांच्या मुलाची भूमिका केली आहे त्यानेच चित्रपटातील भयानक आजीबाईची भूमिकादेखील केली आहे.
-
वयाच्या केवळ १८ व्या वर्षी राही बर्वे यांनी ‘तुंबाड’ची कथा लिहिली होती.
-
या कथेसाठी राही यांनी कित्येक निर्माते दिग्दर्शकांचे उबरठे झिजवले, पण कुणीच तयांच्या या प्रोजेक्टमध्ये पैसे टाकायला तयार नव्हतं.
-
२००८ साली जेव्हा चित्रपटासाठी निर्माता मिळाला तेव्हा यामध्ये प्रमुख भूमिकेत नवाजुद्दीन सिद्दीकीला घेतलं होतं, नंतर निर्मात्यांनी अंग काढून घेतल्यावर तोही निर्णय बदलण्यात आला.
-
भारतीय चित्रपटाच्या इतिहासात काहीतरी वेगळी कलाकृती सादर करून ती यशस्वी करून दाखवणाऱ्या ‘तुंबाड’च्या पुढील भागाची आजही प्रेक्षक वाट पाहत आहेत. त्या वाड्याचे दार पुन्हा उघडेल अशी लोकांना आशा आहे.
-
जेव्हा या चित्रपटाची चर्चा झाली तेव्हा बॉलिवूडमधीलही दिग्गज मंडळींनी याची दखल घेत राही बर्वेचं कौतुक केलं. (फोटो सौजन्य : इंडियन एक्सप्रेस आणि फेसबुक)
१६ जानेवारी राशिभविष्य: नोकरीच्या ठिकाणी प्रशंसा, दिवसाच्या सुरूवातीस लाभ; गुरुवारी कोणत्या राशींना स्वामींचा कसा मिळणार आशीर्वाद?
