-
सध्या रितेश देशमुख आणि जिनिलीया देशमुख यांची जोडी चांगलीच गाजतीये.
-
नुकताच या दोघांचा ‘वेड’ हा मराठी चित्रपट प्रदर्शित झाला ज्याने संपूर्ण महाराष्ट्राला वेड लावलं आहे. रितेश देशमुखने या चित्रपटातून दिग्दर्शनात पदार्पण केलं आहे.
-
शिवाय जिनिलीया देशमुखचा हा पहिलाच मराठी चित्रपट आहे. हा चित्रपट बॉक्स ऑफिसवरही तूफान कमाई करत आहे.
-
आज ३ जानेवारी २०२३, आज रितेश आणि जिनिलीया या दोघांना चित्रपटसृष्टीत २० वर्षं पूर्ण झाली आहेत.
-
बरोबर २० वर्षांपूर्वी याच दिवशी रितेश आणि जिनिलीयाचा पहिला चित्रपट प्रदर्शित झाला होता. ज्याचं नाव होतं ‘तुझे मेरी कसम’.
-
या कॉलेज लव्हस्टोरीला प्रेक्षकांची पसंती तर मिळालीच शिवाय या चित्रपटातील गाणेही हिट ठरली.
-
रितेश आणि जिनिलीया दोघांचे आयुष्य बदलणारा हा चित्रपट ठरला. याच चित्रपटाच्यादरम्यान दोघांमध्ये मैत्री झाली, आणि कालांतराने दोघे एकमेकांच्या प्रेमात पडले.
-
या चित्रपटाची एक खास गोष्ट म्हणजे हा चित्रपट आजवर कधीच टीव्हीवर प्रसारित झालेला नाही किंवा हा कोणत्याही ओटीटी प्लॅटफॉर्मवरदेखील उपलब्ध नाही.
-
यामागील कारण असं की या चित्रपटाचे डिजिटल हक्क निर्मात्यांनी कधीच विकले नाहीत.
-
याचं चित्रीकरण रामोजी फिल्मसिटीमध्ये झालं. रामोजी राव हे या चित्रपटाचे निर्माते होते.
-
त्यांच्यामते हा चित्रपट जर प्रेक्षकांना आवडला तर त्यांनी तो पुन्हापुन्हा चित्रपटगृहात येऊनच पहावा.
-
यामुळेच या चित्रपटाचे डिजिटल हक्क अजूनही निर्मात्यांकडेच असल्याने हा चित्रपट टेलिव्हिजनवर, डीव्हीडीवर किंवा ओटीटी प्लॅटफॉर्मवर उपलब्ध नाही. (फोटो : इंडियन एक्सप्रेस आणि आयएमडीबी)
“अगं आई ना तू?”, रील करताना मध्येच आला म्हणून पोटच्या मुलाला अक्षरश: उचलून फेकलं; काळीज पिळवटून टाकणारा VIDEO व्हायरल
