-
‘होम मिनिस्टर’ कार्यक्रमाद्वारे घराघरात ‘भावोजी’ अशी ओळख निर्माण करणाऱ्या आदेश बांदेकर यांचा आज वाढदिवस.
-
आदेश बांदेकर हे अभिनेते-सुत्रसंचालक म्हणून कायमच चर्चेत असतात.
-
महाराष्ट्रातील सगळ्यांचे लाडके भावोजी म्हणून ते घराघरात लोकप्रिय आहेत.
-
आदेश बांदेकर हे सिनेसृष्टीसह राजकारणातही सक्रीय असल्याचे पाहायला मिळते.
-
आदेश बांदेकर यांनी सप्टेंबर २००९ मध्ये शिवसेनेत प्रवेश केला होता.
-
त्यांनी २००९ मध्ये माहिम मतदारसंघातून विधानसभा निवडणूक लढवली होती.
-
मात्र, महाराष्ट्र नवनिर्माण सेनेचे सरचिटणीस नितीन सरदेसाई यांच्याकडून त्यांचा पराभव झाला होता.
-
त्यानंतरही त्यांनी शिवसेनेच्या नेतृत्वाखाली त्यांचे काम सुरू ठेवले.
-
त्यानंतर जुलै २०१७ मध्ये आदेश बांदेकर यांची श्री सिद्धीविनायक गणपती मंदिर न्यास व्यवस्थापन समितीच्या अध्यक्षपदी निवड करण्यात आली होती.
-
२०१८ मध्ये देवेंद्र फडणवीस सरकारच्या काळात या पदाला राज्यमंत्रिपदाचा दर्जा देखील देण्यात आला होता.
-
त्यानंतर जुलै २०२० पासून पुढील तीन वर्षांसाठी आदेश बांदेकर यांची श्री सिद्धिविनायक गणपती मंदिर न्यास व्यवस्थापन समितीच्या अध्यक्षपदी पुनर्नियुक्ती करण्यात आली.
-
पण श्री सिद्धीविनायक गणपती मंदिर न्यास व्यवस्थापन समितीच्या अध्यक्षपदी निवडी होण्यामागे एक मोठा किस्सा आहे.
-
नुकतंच एका मुलाखतीत आदेश बांदेकरांनी याबद्दल सांगितले होते.
-
“मी आज जे काही आहे ते केवळ गणपतीचे आशीर्वाद आहेत म्हणून आहे.”
-
“तो आपलं आराध्य दैवत असला तरी त्याचं आणि माझं खास नातं आहे. त्याचे संकेत त्याने वेळोवेळी दिले आहेत.”
-
“एवढंच नाही तर माझ्या आयुष्यातील सूर, ताल, लय जे काही आहे, ते केवळ या गणेशोत्सवामुळेच आहे.”
-
“माझं बालपण काळचौकीतील अभ्युदय नगर या ठिकाणी गेले.”
-
“अभ्युदय नगर सार्वजनिक गणेशोत्सव मंडळाशी माझं वेगळं नातं आहे. ४३ इमारतींचा मिळून बसणारा हा बाप्पा म्हणजे आम्हाला आमच्या कुटुंबाचा वाटायचा.”
-
“अभ्युदय नगर सार्वजनिक गणेशोत्सव मंडळाशी माझं वेगळं नातं आहे. ४३ इमारतींचा मिळून बसणारा हा बाप्पा म्हणजे आम्हाला आमच्या कुटुंबाचा वाटायचा.”
-
“या मंडळाप्रमाणेच ‘लालबागचा राजा सार्वजनिक गणेशोत्सव मंडळ’ हे देखील मला तितकेच जवळचे होते.”
-
“मी जगाच्या पाठीवर कुठेही असलो तरी अनंत चतुर्दशीला मात्र मुंबईतच असतो.”
-
“मी अभ्युदय नगरच्या राजाच्या मिरवणुकीत, लालबागच्या राजाच्या मिरवणुकीत नाचताना किंवा ढोल वाजवताना दिसणारच हा कित्येक वर्षांचा ठरलेला कार्यक्रम आहे.”
-
“काही वर्षांपूर्वी शिवसेना प्रवेशानंतर मी कामानिमित्त पालीच्या बल्लाळेश्वर मंदिरात गेलो होतो.”
-
“बाप्पाचं दर्शन घेऊन बाहेर पडलो. त्यानंतर मला उद्धव ठाकरे साहेबांचा फोन आला.”
-
ते म्हणाले, “आदेश तुम्हाला सिद्धीविनायकाची जबाबदारी घ्यायची आहे.”
-
“मी होकार दिला आणि सिद्धीविनायक मंदिर न्यासाचा अध्यक्ष झालो.”
-
“माझ्या राजकीय, सामाजिक आणि मनोरंजन क्षेत्रातील कारकिर्दीमागे त्याचे आशीर्वाद आहेत.”
-
“मी जे प्रामाणिकपणे काम करतोय ही त्याचीच शिकवण आहे”, असे आदेश बांदेकरांनी यावेळी म्हटले.
VIDEO: असं नशीब कोणाच्याच वाट्याला येऊ नये! पुण्यात नवीकोरी कार घेतली अन्…, ‘त्या’ माणसाबरोबर जे घडलं ते पाहून डोळ्यात येईल पाणी
