-
अभिनेत्री राखी सावंतला मुंबईतील आंबोली पोलिसांनी अटक केली आहे. बॉलिवूडमधील प्रसिद्ध अभिनेत्री व मॉडेल शर्लिन चोप्राने राखी विरोधात गेल्या वर्षी पोलिसांत तक्रार केली होती.
-
यासंदर्भात पोलिसांनी राखीला अटक केली आहे. आंबोली पोलिसांनी राखी सावंतला ८३३/२०२२ क्रमांकाच्या एफआयआरप्रकरणी अटक केली. शर्लिन चोप्रानेच ट्वीटरवरुन ही माहिती दिली आहे.
-
काल राखीने यासंदर्भात अटकपूर्व जामिनासाठी मुंबई सत्र न्यायालयात अर्ज केला होता. मात्र, तो अर्ज न्यायालयाने फेटाळून लावला, अशी माहिती शर्लीनने ट्वीटमध्ये दिली आहे.
-
पण राखी सावंतला नेमकी कशामुळे अटक झाली? शर्लिन चोप्राने राखी विरोधात तक्रार केल्याचं नेमकं प्रकरण काय? जाणून घेऊया.
-
‘टाइम्स नाऊ’ला मुंबई पोलिसांनी दिलेल्या माहितीनुसार, राखीने गेल्या वर्षी एक पत्रकार परिषदेत शर्लिन चोप्राचा आक्षेपार्ह व्हिडीओ दाखवला होता.
-
शर्लिनच्या व्हिडीओवर राखीने अश्लील भाषेत टीकाही केली होती. त्याविरोधात शर्लिनने पोलिसांत तक्रार दाखल केली होती.
-
त्यानंतर राखीने “शर्लिनने तिच्या युट्यूब व इन्स्टाग्राम अकाऊंटवरुन ६ नोव्हेंबर २०२२ला एक व्हिडीओ अपलोड केला होता. त्यात तिने माझ्याबाबत अश्लाघ्य भाषेत टीका केली होती”, असं पोलिसांना सांगतिलं होतं.
-
राखीने मीडियासमोरही याबाबत प्रतिक्रिया दिली होती. “शर्लिनने केलेल्या टीकेमुळे माझा बॉयफ्रेंड माझ्यावर संशय घेत आहे. तुझे खरंच १० बॉयफ्रेंड होते का? असं तो मला विचारत आहे”, असं ती म्हणाली होती
-
पुढे तिने “तिच्यामुळे माझ्या आयुष्यात उलथापालथ होत आहे. तिने माझ्याविरोधात केलेल्या वक्तव्यांमुळे मला नाहक त्रास सहन करावा लागत आहे”, असंही म्हटलं होतं.
-
आता राखीला शर्लिनने केलेल्या तक्रारीनंतर अटक करण्यात आली आहे.
-
राखी गेल्या अनेक दिवसांपासून आदिल खानबरोबरच्या लग्नामुळे चर्चेत होती. राखीने सात महिन्यांपूर्वीच आदिल खानसह कोर्ट मॅरेज व निकाह करत लग्नगाठ बांधली आहे.
-
दरम्यान, राखी सध्या अडचणीत आहे. राखीची आई गंभीर आजाराचा सामना करत आहे. कॅन्सरग्रस्त असलेल्या राखीच्या आईवर उपचार सुरू आहेत.
-
त्यात आता राखीला अटक झाल्यामुळे तिच्या अडचणी आणखी वाढल्या आहेत.
-
(सर्व फोटो: लोकसत्ता ग्राफिक्स टीम, इंडियन एक्सप्रेस)
VIDEO: बापरे! मगरीच्या शिकारीसाठी शार्क मासा चक्क समुद्र किनाऱ्यावर आला; अन् १० सेकंदात जे झालं ते पाहुन तुमचाही उडेल थरकाप
