-
विनोदी भूमिका साकारत आपल्या लाजवाब टायमिंगने प्रेक्षकांना खळखळून हसवणारे अभिनेते म्हणून अशोक सराफ यांना ओळखले जाते.
-
मराठी चित्रपट व नाट्यसृष्टीतील ज्येष्ठ अभिनेते अशोक सराफ यांनी यंदा वयाची पंचाहत्तरी पूर्ण केली.
-
त्यासोबत त्यांच्या चित्रपटसृष्टीतील कारकिर्दीला पन्नास वर्षे पूर्ण झाली आहेत.
-
अशोक सराफ यांना सिनेसृष्टीत काम करत असताना अनेक चांगले-वाईट अनुभव आले आहेत.
-
हे अनुभव त्यांनी त्यांच्या ‘बहुरूपी’ या पुस्तकात लिहिले आहेत.
-
त्यातील एक अनुभव हा त्यांचा मुलगा अनिकेत लहान असतानाचा आहे.
-
जेव्हा त्यांच्या खिशात पैसे असूनही ते मुलासाठी दूध घेऊ शकले नव्हते.
-
अशोक यांच्याशी लग्न झाल्यानंतर निवेदिता यांनी आपला संपूर्ण वेळ मुलासाठी आणि घरासाठी देण्याचा निर्णय घेतला.
-
त्यांचा मुलगा अनिकेत लहान असताना ते तिघेही एकदा कोल्हापूरला अंबाबाईच्या दर्शनासाठी निघाले होते.
-
त्यावेळी अनिकेत फार लहान होता. ते ट्रेनने प्रवास करत होते.
-
तिथून परत येत असताना एका स्टेशनवर अनिकेत खूप रडू लागला.
-
त्यांच्या जवळ असलेलं दूध नासलेलं होतं.
-
त्यामुळे अशोक यांनी ती बाटली घेतली आणि कुठे दूध मिळतंय का हे पाहण्यासाठी ते ट्रेनमधून खाली उतरले.
-
ट्रेन स्टेशनवरून सुटेल अशी भीती त्यांना होती.
-
पण तरीही मुलासाठी ते पाच ट्रॅक ओलांडून बाहेर रस्त्यावर गेले.
-
मात्र बाहेर कुठेच त्यांना दुकान दिसलं नाही.
-
शेवटी रिकामी बाटली घेऊन ते परत आले.
-
मग रडत असलेल्या अनिकेतला त्यांनी ग्लुकोजचं बिस्कीट पाण्यात बुडवून खाऊ घातलं.
-
त्यावेळी अशोक सराफ यांच्या खिशात चाळीस हजार रुपये होते.
-
मात्र इतके पैसे असूनही आपण मुलासाठी दूध घेऊ शकलो नाही ही गोष्ट त्यांच्या मनाला लागली.
-
त्यावेळी मला पैसाच सगळं काही नसतो हे त्या घटनेनं शिकवलं.
-
हा माझ्या आयुष्याने मला शिकवलेला एक धडाच होता.
-
नुकत्याच झालेल्या एका पुरस्कार सोहळ्याला अशोक सराफ यांनी हजेरी लावली होती.
-
यावेळी ‘मी स्वरा आणि ते दोघं’ या नाटकासाठी त्यांनी उत्कृष्ट अभिनेत्री म्हणून निवेदिता सराफ यांना स्वतःच्या हाताने पुरस्कार दिला.
IND vs PAK: “अरे ए…”, रोहित शर्माचा मेसेज आणि विराटने चौकारासह शतक केलं पूर्ण; शतकानंतर कोहलीने दिली अशी प्रतिक्रिया…पाहा VIDEO
