-
प्रिया बापट ही मराठी मनोरंजन सृष्टीतील आघाडीची अभिनेत्री आहे. गेली अनेक वर्षं ती मालिका, नाटक, चित्रपट, वेब सिरीज अशा विविध माध्यमातून प्रेक्षकांच्या भेटीला आली आहे.
-
मराठीनंतर हिंदी मनोरंजन सृष्टीतदेखील तिने तिची स्वतःची ओळख निर्माण केली आहे.
-
तिच्या कामाबरोबरच ती तिच्या फिटनेसमुळेही नेहमीच चर्चेत असते आणि आता तिने तिच्या निरोगी आरोग्याचं रहस्य सांगितलं आहे.
-
प्रिया सध्या तिच्या ‘सिटी ऑफ ड्रीम्स’ या सिरीजमुळे खूप चर्चेत आहे.
-
नुकताच या सिरीजचा तिसरा सीझन प्रेक्षकांच्या भेटीला आला. या सिरिजच्या टीझर आणि ट्रेलरवर कमेंट करत अनेक चाहत्यांनी प्रियाला “तू चार वर्षांपूर्वी जशी दिसायची तशीच आताही दिसतेस,” असं म्हटलं.
-
याचं गुपित आता प्रियाने ‘लोकसत्ता डिजिटल अड्डा’मध्ये उघड केलं आहे.
-
‘लोकसत्ता डिजिटल अड्डा’ला दिलेल्या मुलाखतीत फिटनेसबद्दल बोलताना प्रिया म्हणाली, “मला व्यायाम करायला आवडतो आणि मी तो रोज न चुकता करते.”
-
“स्किन एजिंग लवकर होईल अशा कुठल्याही सवयी मला नाहीत.”
-
“मला बाहेरचं खाणं आवडत नाही आणि अगदीच जर कधी बाहेर जेवायला गेलो तर मी सूप, सॅलेड असंच काहीतरी खाते.”
-
“त्यामुळे भरपूर पाणी पीणं, घरचं खाणं आणि वेळेवर खाणं हे मी फॉलो करत असते.”
-
“पण काही गोष्टी या अनुवांशिकरित्या आपल्याला मिळतात आणि त्या टिकवून त्याचं सोनं करणं आपल्या हातात असतं जे मी करण्याचा प्रयत्न करते.”
-
आता प्रियाचा हा फिटनेस फंडा चर्चेत आला आहे.
Mahakumbh Stampede : ‘महाकुंभमेळ्याला येऊ नका…’, चेंगराचेंगरीत मृत्यू होण्याच्या काही तासापूर्वीच कर्नाटकातील महिलेने लोकांना केलं होतं आवाहन
