Photos: तेजश्री प्रधानच्या नव्या मालिकेबद्दल ‘या’ गोष्टी माहिती आहेत का?

1/21

अलीकडेच अभिनेत्री तेजश्री प्रधान आणि शुभांगी गोखले यांनी सोशल मीडियाच्या माध्यमातून त्यांची नवी मालिका स्टार प्रवाहवर सुरु होणार असल्याचं सांगितलं होतं.

2/21

ही नवी मालिका नेमकी कोणती? मालिकेची गोष्ट काय असेल? कोणते कलाकार असतील? याविषयी प्रेक्षकांमध्ये कमालीची उत्सुकता होती.

3/21

ज्या मालिकेविषयी इतकं भरभरुन बोललं जात आहे ती मालिका ४ सप्टेंबरपासून रात्री ८ वाजता प्रेक्षकांच्या भेटीला येणार आहे.

4/21

‘प्रेमाची गोष्ट’ असं या मालिकेचं नाव आहे.

5/21

स्टार प्रवाहच्या प्रत्येक मालिकेतून नातेसंबंधांवर भाष्य केलं जातं.

6/21

‘प्रेमाची गोष्ट’ ही मालिका देखिल नात्यांची गुंफण असेल.

7/21

चिमुकल्या सईवरच्या प्रेमापोटी दोन विभिन्न स्वभावाचे मुक्ता आणि सागर कसे एकत्र येतात आणि त्यांच्यातलं प्रेम कसं बहरत जातं हे सांगणारी सुंदर, तरल कथा म्हणजे ‘प्रेमाची गोष्ट’.

8/21

‘प्रेमाची गोष्ट’ या नव्या मालिकेत प्रेक्षकांची लाडकी अभिनेत्री तेजश्री प्रधान मुक्ता गोखले ही भूमिका साकारणार असून अभिनेता राज हंचनाळे सागर कोळीच्या भूमिकेत दिसेल.

9/21

याबरोबरच शुभांगी गोखले, संजीवनी जाधव, अपूर्वा नेमळेकर, संजय शेजवळ, योगेश केळकर, उमेश घाडगे, सुप्रीत कदम आणि बाल कलाकार इरा पारवडे अशी दिग्गज कलाकारांची फौज मालिकेतून भेटीला येईल.

10/21

राहुल लिंगायत या मालिकेचं दिग्दर्शन करणार आहेत.

11/21

या नव्या मालिकेविषयी सांगताना स्टार प्रवाहचे कार्यक्रम प्रमुख सतीश राजवाडे म्हणाले, ‘प्रेमाची गोष्ट’ या नावातच सगळं काही येतं.

12/21

हळुवार, संवेदनशील आणि पुन्हा एकदा आजच्या पीढीची गोष्ट घेऊन स्टार प्रवाह वाहिनी रसिकांना दर्जेदार करमणूक देण्यास सज्ज आहे.

13/21

दिग्गज कलाकार आणि सक्षम लेखन, दिग्दर्शन असलेली ही प्रेमाची गोष्ट प्रेक्षकांना नक्की आवडेल.

14/21

मुक्ता गोखले या व्यक्तिरेखेविषयी सांगताना तेजश्री प्रधान म्हणाली, स्टार प्रवाह वाहिनीबरोबर जवळपास १३ वर्षांनी पुन्हा एकदा काम करताना अतिशय आनंद होतोय.

15/21

घराघरातील गृहिणी समरसून मालिका पहात असतात.

16/21

त्यामुळे एक कलाकार म्हणून कोणतंही पात्र साकारताना सामाजिक जबाबदारीचं भान राखण्याचा मी प्रयत्न करते.

17/21

मुक्ता हे पात्रं प्रेक्षकांना नक्कीच आवडेल. मुक्ता साकारतान माझ्यासमोर मुलगी, सून आणि आईच्या भूमिकेतला समंजसपणा जपण्याचं आव्हान असेल.

18/21

मुक्ताच्या आईची म्हणजेच माधवी गोखले ही भूमिका साकारणार आहेत सुप्रसिद्ध अभिनेत्री शुभांगी गोखले, या भूमिकेविषयी सांगताना शुभांगी ताई म्हणाल्या स्टार प्रवाहबरोबर खूप जुनं नातं आहे.

19/21

‘अग्निहोत्र’, ‘अग्निहोत्र २’ आणि आता ‘प्रेमाची गोष्ट’. मालिकेची टीम खूप उत्तम आहे.

20/21

या मालिकेचं लेखन हे बलस्थान म्हणता येईल. माधवी या पात्राच्या निमित्ताने साधेपणातलं सौंदर्य जपायला मिळेल.

21/21

(सर्व फोटो सौजन्य : तेजश्री प्रधान आणि स्टार प्रवाह / इन्स्टाग्राम)