-
सुप्रसिद्ध कलादिग्दर्शक नितीन देसाई यांनी बुधवारी कर्जतच्या एन. डी. स्टुडिओमध्ये आत्महत्या केली आणि चित्रपटसृष्टीत खळबळ उडाली.
-
नितीन देसाईंच्या एन. डी. स्टुडिओवर जवळपास २५० कोटींचं कर्ज असल्याची बाब त्यांच्या आत्महत्येनंतर उघड झाली आहे.
-
नितीन देसाईंनी कर्जबाजारीपणाला कंटाळून किंवा त्या दबावाखाली आत्महत्या केल्याची शक्यता वर्तवली जात आहे.
-
यासंदर्भात पोलिसांना नितीन देसाईंनी मृत्यूपूर्वी रेकॉर्ड केलेल्या काही ऑडिओ क्लिप्स मिळाल्या असून त्यावर तपास केला जात आहे.
-
नितीन देसाईंनी या सगळ्या ऑडिओ क्लिप्स आत्महत्येच्या काही वेळ आधी रेकॉर्ड केल्या नसून त्याआधी काही दिवसांपासून ते रेकॉर्डिंग करत होते अशी माहितीही समोर आली आहे.
-
या ऑडिओ क्लिप्समध्ये नितीन देसाईंनी आपल्या आयुष्याबद्दल, कारकिर्दीबद्दल, करिअरच्या सुरुवातीबद्दल भाष्य केलं आहे.
-
या १० ते ११ ऑडिओ क्लिप्स आहेत. त्यातल्या काही ऑडिओ क्लिप्स १० ते १२ मिनिटांच्या असल्याचंही सांगितलं जात आहे.
-
शिवाय, एन. डी. स्टुडिओ आणि आपल्यावरील कर्जाचा, कर्ज देणाऱ्या कंपनीचाही नितीन देसाईंनी उल्लेख केला आहे.
-
आपल्या पहिल्याच ऑडिओ क्लिपची सुरुवात नितीन देसाईंनी “लालबागच्या राजाला अखेरचा सलाम” असं म्हणून केल्याची माहिती समोर आली आहे.
-
मराठी माणसाने शून्यातून निर्माण केलेला ‘एनडी’ स्टुडिओ अन्य कोणाकडे जाऊ देऊ नका. तो राज्य सरकारने जागेसह ताब्यात घ्यावा. तेथे मोठे स्मारक उभारावे, असं नितीन देसाईंनी ऑडिओ क्लिपमध्ये म्हटलं आहे.
-
कर्ज देऊन आपली फसवणूक करण्यात आली असून, अवास्तव व्याज आकारणीद्वारे एनडी स्टुडिओ ताब्यात घेण्याचे प्रयत्न सुरू असल्याचंही देसाईंनी या क्लिप्समध्ये म्हटल्याचं समोर आलं आहे.
-
नितीन देसाईंच्या या ऑडिओ क्लिप्समध्ये चार व्यक्तींच्या नावाचा उल्लेख केल्याचंही सांगितलं जात आहे. मात्र, ही नावं नेमकी कुणाची? याविषयी अद्याप स्पष्टता आलेली नाही.
-
यातल्या एका ऑडिओ क्लिपमध्ये नितीन देसाईंनी त्यांची कारकिर्द, रंगमंचावरच्या त्यांच्या कामाची सुरुवात, एन. डी. स्टुडिओची स्थापना अशा गोष्टी सांगितल्या आहेत.
Marathi Language Controversy : “मराठी गया तेल लगाने, तुम…”; मुंबईत एल अँड टीच्या सुरक्षा रक्षकाची मुजोरी, मनसेने ‘असा’ शिकवला धडा
