-
खलिस्तान समर्थक हरदीप सिंग निज्जर याच्या हत्येनंतर भारत व कॅनडा यांच्यातील संबंध ताणले गेले आहे. या प्रकरणात कॅनडानं भारतावर गंभीर आरोप केल्यानंतर याची सुरुवात झाली.
-
याच वादादरम्यान कॅनेडियन गायक व रॅपर शुभनीत सिंगने एक पोस्ट केली होती. त्यानंतर त्याचा मुंबईतील कॉन्सर्ट रद्द करण्यात आला होता.
-
शुभनीतने इन्स्टाग्राम स्टोरीवर भारताचा नकाशा शेअर केला होता. ज्यामध्ये पंजाब, काश्मीर आणि ईशान्येकडील काही भाग गायब होते. हा नकाशा शेअर करत “पंजाबसाठी प्रार्थना करा” असं त्याने स्टोरीमध्ये लिहिलं होतं.
-
ही पोस्ट व्हायरल होताच त्याला लोकांच्या रोषाला सामोरं जावं लागलं. इतकंच नाही तर शुभनीतचा कॉन्सर्ट २३ ते २५ सप्टेंबर दरम्यान मुंबईतील कॉर्डेलिया क्रूझवर होणार होता.
-
. पण त्याच्या एका इन्स्टाग्राम स्टोरीमुळे तो रद्द करण्यात आला. या संपूर्ण वादानंतर आता शुभनीतने एक पोस्ट करत स्पष्टीकरण दिलं आहे.
-
-
भारतातील पंजाबमधील एक तरुण रॅपर-गायक म्हणून माझे संगीत आंतरराष्ट्रीय व्यासपीठावर आणणे हे माझे आयुष्याचे स्वप्न होते. परंतु अलीकडील घडामोडींमुळे माझी मेहनत आणि प्रगती कमी झाली आहे. – शुभनीत सिंग
-
मला माझी निराशा आणि दु:ख व्यक्त करण्यासाठी काही शब्द बोलायचे होते. भारतातील माझा दौरा रद्द झाल्याने मी अत्यंत निराश झालो आहे. – शुभनीत सिंग
-
माझ्या देशात, माझ्या लोकांसमोर परफॉर्म करण्यासाठी मी खूप उत्साही होतो. तयारी जोरात सुरू होती आणि मी मागच्या दोन महिन्यांपासून मनापासून सराव करत होतो. – शुभनीत सिंग
-
मी खूप उत्साही, आनंदी आणि परफॉर्म करण्यास तयार होतो. पण मला वाटतं की नियतीच्या मनात वेगळ्याच योजना होत्या. – शुभनीत सिंग
-
भारत माझाही देश आहे. माझा जन्म इथेच झाला आहे. ही माझ्या गुरूंची आणि माझ्या पूर्वजांची भूमी आहे, ज्यांनी या भूमीच्या स्वातंत्र्यासाठी, तिच्या वैभवासाठी बलिदान दिले. -शुभनीत सिंग
-
पंजाब माझा आत्मा आहे, पंजाब माझ्या रक्तात आहे. मी आज जो काही आहे तो पंजाबी असल्यामुळे आहे. पंजाबींना देशभक्तीचा दाखला देण्याची गरज नाही. – शुभनीत सिंग
-
इतिहासाच्या प्रत्येक वळणावर या देशाच्या स्वातंत्र्यासाठी पंजाबींनी आपल्या प्राणांची आहुती दिली आहे. म्हणूनच माझी नम्र विनंती आहे की प्रत्येक पंजाबीला फुटीरतावादी किंवा देशद्रोही म्हणणं बंद करा. – शुभनीत सिंग
-
माझ्या इन्स्टाग्राम स्टोरीवर ती पोस्ट पुन्हा शेअर करण्याचा माझा हेतू फक्त पंजाबसाठी प्रार्थना करण्याचा होता, कारण संपूर्ण राज्यात वीज आणि इंटरनेट बंद असल्याच्या बातम्या आल्या होत्या. – शुभनीत सिंग
-
त्यामागे दुसरा कोणताही विचार नव्हता आणि कोणाच्याही भावना दुखावण्याचा माझा हेतू नक्कीच नव्हता. – शुभनीत सिंग
-
होणाऱ्या आरोपांचा माझ्यावर खोलवर परिणाम झाला आहे. पण माझ्या गुरूंनी मला सर्व मानव एकच आहेत असं शिकवलं. – शुभनीत सिंग
-
तसेच न घाबरणं हेच पंजाबियतचे मूळ आहे अशी शिकवणही दिली.
-
“मी कठोर परिश्रम करत राहीन. मी आणि माझी टीम लवकरच परत येऊ, खंबीर राहू आणि एकत्र येऊ”, असं म्हणत शुभनीतने पोस्ट संपवली. (सर्व फोटो – शुभनीत सिंगच्या इन्स्टाग्रामवरून साभार)
तृतीयपंथी मराठी अभिनेत्री अडकली विवाहबंधनात, लग्नाचे फोटो शेअर करत म्हणाली, “गणपती बाप्पाच्या आशीर्वादाने…”
