-
प्रेक्षकांच्या मनावर अधिराज्य गाजवणारी स्टार प्रवाह वाहिनी लवकरच एक नवीन मालिका घेऊन येत आहे.
-
या मालिकेचे नाव ‘लक्ष्मीच्या पाऊलांनी’ असे आहे.
-
सुप्रसिद्ध अभिनेत्री ईशा केसकर या मालिकेतून छोट्या पडद्यावर दमदार पुनरागमन करणार आहे.
-
‘कला खरे’ असे तिच्या भूमिकेचे नाव असून एका वेगळ्या रुपात ईशा प्रेक्षकांच्या भेटीला येणार आहे.
-
स्टार प्रवाहबरोबरची पहिली मालिका साकारण्यासाठी ईशा प्रचंड उत्सुक आहे.
-
या मालिकेविषयी सांगताना ईशा म्हणाली, सध्या सगळीकडेच नवरात्रौत्सवाची धामधूम सुरु आहे.
-
अश्या या मंगलमय वातावरणात ‘लक्ष्मीच्या पाऊलांनी’ मालिकेचा प्रोमो येतोय ही खूप भारावून टाकणारी गोष्ट आहे.
-
या मालिकेत मी ‘कला खरे’ ही भूमिका साकारत आहे. नावाप्रमाणेच कला एक उत्तम कलाकार आहे.
-
‘कला’ला हातकाम, रंगकला आणि चित्रकलेची आवड आहे.
-
‘कला’ देवीची मूर्ती आणि दागिने घडवते.
-
अंबाबाईच्या देवळाबाहेर कलाचे दागिन्यांचे दुकान आहे.
-
‘कला’ स्वतःच्या हाताने सर्व पारंपारिक दागिने अगदी मनापासून बनवते.
-
संपूर्ण कोल्हापूर शहरात ‘कला’ने बनवलेले दागिने प्रसिद्ध आहेत.
-
सर्वसामान्य आयुष्य जगणाऱ्या कलाला गरीब-श्रीमंत असा भेद केलेला आवडत नाही.
-
‘कला’ हे पात्र प्रत्येकाला आपलसे वाटेल असे आहे.
-
आजवर माझ्या प्रत्येक भूमिकेवर प्रेक्षकांनी प्रेम केले आहे.
-
हेच प्रेम ‘कला’ आणि आमच्या ‘लक्ष्मीच्या पाऊलांनी’ मालिकेलाही मिळेल याची खात्री आहे.
-
मालिकेत अनेक दिग्गज कलाकारांबरोबर काम करण्याची संधी मिळतेय.
-
किशोरी अंबिये माझ्या आईची भूमिका साकारत आहेत.
-
किशोरी ताईंसोबत याआधीही काम केलं आहे. त्यामुळे सीन्स खूप छान होत आहेत.
-
कोल्हापूरातल्या अनेक प्रसिद्ध ठिकाणी आम्ही सध्या शूट करत आहोत.
-
मालिका सुरु होण्यापूर्वीच कोल्हापुरकरांचं भरभरुन प्रेम मिळत आहे अश्या शब्दात ईशाने आपली भावना व्यक्त केली.
-
२० नोव्हेंबरपासून ही मालिका रात्री ९.३० वाजता प्रेक्षकांच्या भेटीला येणार आहे.
-
(सर्व फोटो सौजन्य : ईशा केसकर/इन्स्टाग्राम)
‘उनसे मिली नजर’, गाण्यावर विद्यार्थिनींचा शिक्षकाबरोबर जबरदस्त डान्स; VIDEO पाहून नेटकरी करतायत कमेंट्स
