“प्रभू रामाची बदनामी…”, ‘आदिपुरुष’बद्दल बोलताना लेखकाचं विधान; म्हणाला, “वादानंतर मला हिंदूंचा…”

1/15

प्रभास व क्रिती सेनॉनची मुख्य भूमिका असलेला ‘आदिपुरुष’ हा यंदाचा सर्वात वादग्रस्त ठरलेला चित्रपट म्हटलं तर वावगं ठरणार नाही. (सर्व फोटो – मनोज मुंतशिर इन्स्टाग्राम)

2/15

 या ऐतिहासिक चित्रपटातील संवाद व ग्राफिक्स प्रेक्षकांना अजिबात भावले नाही आणि त्यांनी चित्रपटाला प्रचंड ट्रोल केलं.

3/15

या चित्रपटाचा संवाद लेखक मनोज मुंतशिरवरही प्रेक्षकांनी संताप व्यक्त केला होता. चित्रपट प्रदर्शित झाल्यानंतर मनोजला काही काळ सोशल मीडियापासून ब्रेक घ्यावा लागला होता.

4/15

आता त्याने संपूर्ण वाद आणि लोकांनी केलेल्या ट्रोलिंगबद्दल भाष्य केलं आहे. तसेच आपली लिखाणात चूक झाल्याचं मनोजने मान्य केलं आहे.

5/15

लिखाणात माझी १०० टक्के चूक झाली आहे. मी इतका असुरक्षित माणूस नाही की मी चांगले लिहिलंय असं सांगून माझ्या लेखन कौशल्याचा बचाव करेन. – मनोज मुंतशिर

6/15

 पण त्या चुकीमागे माझा कोणताही वाईट हेतू नव्हता. माझा कोणत्याही धर्माला दुखावण्याचा आणि सनातनला त्रास देण्याचा, प्रभू रामाची बदनामी करण्याचा किंवा हनुमानजींबद्दल वाईट बोलण्याचा माझा अजिबात हेतू नव्हता. – मनोज मुंतशिर

7/15

माझी एक चूक झाली, ती मोठी होती आणि त्यातून मी खूप काही शिकलो आहे. पण यापुढे मी खूप काळजी घेईन. – मनोज मुंतशिर

8/15

मी माणूस आहे.. दगड नाही.. प्रेत नाही.. प्रत्येक गोष्टीचा फरक पडतो. जेव्हा तुमच्यावर आरोप होतात, लोक वाईट बोलतात, तेव्हा माणूस दुखावतो. पण त्याला सामोरं जायला शिकलं पाहिजे. – मनोज मुंतशिर

9/15

मला लोकांकडून अशी प्रतिक्रिया येईल असं कधीच वाटलं नव्हतं. हा चित्रपट अतिशय चांगल्या हेतूने बनवला गेला होता. – मनोज मुंतशिर

10/15

 जर या चित्रपटासाठी ६०० कोटी रुपये गुंतवले गेले असतील, तर तो सर्वोत्कृष्ट व्हावा, अशीच त्यामागची इच्छा असते. असा चित्रपट करून आपलं करिअर कोणाला संपवायचं आहे? यामागे आमचा कोणताही अजेंडा नव्हता. – मनोज मुंतशिर

11/15

मनोजने चित्रपटासंदर्भात वाद सुरू असताना स्पष्टीकरण देत आपली बाजू मांडली होती, ते करायला नको होतं, असं त्याला वाटतं.

12/15

मला असं वाटतं की जेव्हा गोष्टी इतक्या जोरात सुरू होत्या, तेव्हा मी स्पष्टीकरण द्यायला नको होतं. ही माझी सर्वात मोठी चूक होती. – मनोज मुंतशिर

13/15

 त्यावेळी मी बोलायला नको होते. यामुळे लोकांना राग असेल तरी त्यांचा राग रास्त आहे. कारण स्पष्टीकरण देण्याची ती वेळ नव्हती आणि आता मला माझी ती चूक समजली – मनोज मुंतशिर

14/15

चित्रपटामुळे वाद झाल्यानंतर मला हिंदूंचा पाठिंबा मिळाला. तुम्ही फक्त सोशल मीडियावर पाहत असाल तर ते जग नाही. मला खरंच अनेक लोकांनी पाठिंबा दिला.  – मनोज मुंतशिर

15/15

काही लोकांचा राग फक्त क्षणिक होता. आमचा कोणताही वाईट हेतू नव्हता हे त्यांनाही लक्षात आलं. खरं तर मला लोकांचा पाठिंबा नसता, तर मी आज इथे उभाही नसतो, असं मनोज म्हणाला.