-
‘बिग बॉस’च्या घरातून लोकप्रिय झालेली जोडी म्हणजेच अमृता देशमुख आणि प्रसाद जवादे लवकरच लग्नबंधनात अडकणार आहेत.
-
काही महिन्यांपूर्वीच दोघांनी गुपचूप साखरपुडा करीत सगळ्यांना आनंदाचा धक्का दिला होता. अमृता आणि प्रसादचा विवाहसोहळा १८ नोव्हेंबरला पार पडणार आहे.
-
दरम्यान, दोघांच्या लग्नाच्या विधीना सुरुवात झाली आहे. यासंबंधीचे फोटो ते आपल्या चाहत्यांबरोबर शेअर करत आहेत.
-
नुकतंच अमृता आणि प्रसादचा ग्रहमख सोहळा पार पडला. प्रसाद-अमृताने त्यांच्या ग्रहमख सोहळ्यातील खास क्षणांचे फोटो इन्स्टाग्रामवर शेअर केले आहेत.
-
ग्रहमख सोहळ्यासाठी अमृताने हिरवी साडी, दागिने आणि नाकात नथ असा पारंपरिक लूक केला होता.
-
आता या दोघांचे मेहंदी सोहळ्यातील फोटोही समोर आले आहेत.
-
यावेळी अमृता खूपच सुंदर दिसत होती. तिने पिवळ्या रंगाचा नक्षीदार लेहेंगा आणि त्यावर फुलांचे दागिने घातले होते. तर प्रसादने हिरव्या रंगाचा कोट आणि पांढरा सदरा पायजमा घातला होता.
-
यावेळी प्रसादने अमृतासाठी आपल्या हातावर सुंदर मेहंदी काढली. त्या मेहंदीमध्ये त्याने एक छान संदेश लिहला होता.
-
प्रसादने आपल्या मेहंदीमध्ये ‘अमृतमय जाहलो’ असा संदेश लिहिला आहे. अमृता आणि प्रसादचे हे फोटो सोशल मीडियावर तुफान व्हायरल झाले आहेत.
-
प्रसादच्या मेहंदीचे त्यांच्या चाहत्यांनी कौतुक केले असून दोघांवाराही त्यांनी प्रेमाचा वर्षाव केला आहे.
-
अमृताच्या हातावरील मेहंदी कांचन मेहंदी यांनी काढली असून तिचा मेकअप स्वाती घोडके यांनी केला आहे.
-
The Merrymakers यांनी अमृता आणि प्रसादचे मौल्यवान क्षण आपल्या कॅमेरामध्ये बंदिस्त केले आहेत.
एकाच मालिकेतील तिसरी अभिनेत्री झाली आई, तिघींच्याही घरी मुलींचा जन्म, पोस्ट शेअर करून दिली आनंदाची बातमी
