अभिनेते, डान्सर, गायक अन् राजकारणातही आजमावलं नशीब, जाणून घ्या जावेद जाफरी यांची संपत्ती

1/9

कॉमेडियन म्हणून ओळखले जाणारे ६० वर्षीय अभिनेता जावेद जाफरी केवळ अभिनेता आणि विनोदी कलाकारच नाही तर एक उत्कृष्ट डान्सर, कोरिओग्राफर, गायक आणि व्हिडीओ जॉकी देखील आहेत. इंडस्ट्रीतील एक मल्टिटॅलेंटेड कलाकार म्हणून त्यांची ओळख आहे.

2/9

टीव्ही आणि सिनेमातल्या कामातून त्यांनी खूप नाव कमावलं आहे. त्यांचे वडील जगदीप हे देखील हिंदी चित्रपटसृष्टीतील प्रसिद्ध विनोदी अभिनेता आणि अभिनेते होते, परंतु असे असूनही त्यांनी कधीही चित्रपटात काम मिळवण्यासाठी वडिलांचे नाव वापरले नाही.

3/9

‘मेरी जंग’ या चित्रपटातून त्यांनी चित्रपटसृष्टीत प्रवेश केला. १९८५ मध्ये प्रदर्शित झालेल्या या चित्रपटात त्यांची नकारात्मक भूमिका होती. या भूमिकेने त्यांनी प्रेक्षकांच्या हृदयावर खोलवर छाप सोडली आणि त्यांच्या अभिनयाचे खूप कौतुक झाले.

4/9

यानंतर ते ‘सलाम नमस्ते’, ‘ता रा रम पम’, ‘फायर’, ‘अर्थ’, ‘३ इडियट्स’, ‘डबल धमाल’ यांसारख्या सुपरहिट चित्रपटांमध्ये दिसले. चित्रपटांव्यतिरिक्त त्यांनी टीव्हीवरही खूप लोकप्रियता मिळवली. ‘बूगी वूगी’ या डान्स रिअॅलिटी शोमध्ये त्याला चांगलीच पसंती मिळाली होती.

5/9

याशिवाय जावेद यांनी ९० च्या दशकातील जपानी लोकप्रिय शो ‘ताकेशीज कॅसल’ आणि ‘निंजा वॉरियर’मध्ये आपल्या हिंदी कॉमेंट्रीने खूप नाव कमावले. डबिंग आर्टिस्ट म्हणून त्यांनी गुफी, डॉन कार्नेज आणि मिकी माऊस या कार्टून पात्रांना हिंदीत आवाज दिला आहे.

6/9

मनोरंजन क्षेत्राव्यतिरिक्त जावेद यांनी राजकारणातही हात आजमावला. २०१४ मध्ये त्यांनी आम आदमी पार्टीच्या वतीने लोकसभा निवडणूक लढवली होती. त्यांनी लखनौमधून भाजपचे दिग्गज नेते राजनाथ सिंह यांच्या विरोधात निवडणूक लढवली होती, परंतु त्यांचा पराभव झाला होता.

7/9

जावेद जाफरी यांच्या एकूण संपत्तीबद्दल बोलायचे झाले तर, निवडणूक प्रतिज्ञापत्रानुसार ते २६ कोटी रुपयांच्या मालमत्तेचे मालक आहेत. मात्र, २०१४ मध्ये भरलेल्या या प्रतिज्ञापत्रानंतर आता ९ वर्षांमध्ये त्यांच्या मालमत्तेच्या आकडेवारीत बदल असू शकतो.

8/9

जावेद चित्रपटांव्यतिरिक्त ब्रँड एंडोर्समेंटमधूनही चांगली कमाई करतात. तो एका चित्रपटासाठी २ ते ३ कोटी रुपये घेतात आणि जाहिरातींसाठी ५० ते ६० लाख रुपये घेतात.

9/9

जावेद यांना लक्झरी कारची आवड आहे. त्यांच्या कार कलेक्शनमध्ये लॅम्बोर्गिनी, व्हाईट केयेन आणि BMW X5 यांचा समावेश आहे. जावेद मुंबईत कोट्यवधी रुपयांच्या आलिशान घरात राहतात.
(फोटो स्त्रोत: @jaavedjaaferi/instagram)