रेश्मा शिंदेसह ‘स्टार प्रवाह’च्या नव्या मालिकेत झळकणार ‘हे’ ११ कलाकार; ‘बाळूमामा…’ फेम अभिनेत्याची एन्ट्री, पाहा फोटो

1/15

‘स्टार प्रवाह’ वाहिनीवर १८ मार्चपासून ‘घरोघरी मातीच्या चुली’ ही नवीन मालिका प्रेक्षकांच्या भेटीला येणार आहे.

2/15

या मालिकेत ‘रंग माझा वेगळा’ फेम अभिनेत्री रेश्मा शिंदे ‘जानकी रणदिवे’ ही मुख्य भूमिका साकारणार आहे.

3/15

‘घरोघरी मातीच्या चुली’ मालिकेत मुख्य अभिनेता म्हणून कोणाची वर्णी लागणार याबद्दल गेले अनेक दिवस चर्चा चालू होत्या.

4/15

अखेर ‘स्टार प्रवाह’ने शेअर केलेल्या नव्या प्रोमोमध्ये हृषिकेश रणदिवेची भूमिका कोण साकारणार हे समोर आलं आहे.

5/15

‘बाळूमामाच्या नावानं चांगभलं’ या मालिकेमुळे घराघरांत लोकप्रिय झालेला अभिनेता सुमीत पुसावळे स्टार प्रवाहच्या नव्या मालिकेत मुख्य भूमिकेत झळकणार आहे.

6/15

जानकी रणदिवे म्हणजेच रेश्माच्या ऑनस्क्रीन लेकीच्या भूमिकेत बालकलाकार आरोही सांबरे झळकणार आहे.

7/15

अभिनेत्री सविता प्रभुणे या मालिकेत जानकीच्या सासूबाईंची भूमिका साकारणार आहेत.

8/15

बालकलाकार आरोहीच्या नाना आजोबांच्या भूमिकेत प्रमोद पवार झळकणार आहेत.

9/15

याशिवाय अभिनेता उदय नेने मालिकेत सारंग ( जानकीचा लहान दीर) ही व्यक्तिरेखा साकारणार आहे.

10/15

‘अगंबाई सासूबाई’ या मालिकेमुळे अभिनेता आशुतोष पत्की घराघरांत लोकप्रिय झाला होता. तो आता ‘घरोघरी मातीच्या चुली’ या नव्या मालिकेत सौमित्र हे पात्र साकारणार आहे.

11/15

‘मुलगी झाली हो’ फेम अभिनेत्री प्रतीक्षा मुणगेकर देखील या नवीन मालिकेत महत्त्वाची भूमिका साकारेल.

12/15

मालिकेच्या नव्या प्रोमोनुसार प्रतीक्षा “घरोघरी…” मालिकेत पुन्हा एकदा खलनायिकेची भूमिका साकारणार असल्याचं समोर आलं आहे.

13/15

ज्येष्ठ अभिनेत्री नयना आपटे या मालिकेत आजीच्या भूमिकेत झळकणार आहेत.

14/15

अभिनेता अक्षय वाघमारे व अभिनेत्री भक्ती देसाई हे दोन कलाकार देखील मालिकेत महत्त्वाच्या भूमिका साकारणार आहेत.

15/15

दरम्यान, ‘घरोघरी मातीच्या चुली’ ही मालिका येत्या १८ मार्चपासून संध्याकाळी ७.३० वाजता प्रसारित करण्यात येणार आहे. ( सर्व फोटो सौजन्य : स्टार प्रवाह वाहिनी व रेश्मा शिंदे इन्स्टाग्राम पेज )