-
-
खुमासदार सूत्रसंचालन, धमाकेदार परफॉर्मन्सेस आणि विनोदी आतषबाजीने परिपूर्ण अश्या या सोहळ्यात महाराष्ट्राची महामालिका ठरली ठरलं तर मग.
-
प्रेक्षकांनी केलेल्या भरघोस व्होटच्या माध्यमातून ठरलं तर मगला महामालिकेचा पुरस्कार बहाल करण्यात आला.
-
विशेष म्हणजे हा पुरस्कार देण्याचा मान महामालिकेसाठी व्होट करणाऱ्या तीन भाग्यवान प्रेक्षकांना देण्यात आला.
-
मराठी टेलिव्हिजच्या इतिहासात पहिल्यांदाच प्रेक्षकांच्या हस्ते कलाकारांना पुरस्कार देण्यात आला.
-
आपल्या खुमासदार सूत्रसंचलनाने संपूर्ण महाराष्ट्रात धिंगाणा घालणाऱ्या सिद्धार्थ जाधवला महाराष्ट्राचा धमाका या पुरस्काराने गौरवण्यात आलं.
-
तर लग्नाची बेडी मालिकेतील सिंधू ठरली महाराष्ट्राचं लाडकं व्यक्तिमत्त्व.
-
पिंकीचा विजय असो मालिकेतील पिंकी आणि युवराज ठरले महाराष्ट्राची लक्षवेधी जोडी.
-
स्टार प्रवाह परिवार पुरस्कार सोहळ्यात सर्वोत्कृष्ट सुनेचा पुरस्कार पटकावला मुरांबा मालिकेतील रमाने, तर अबोली मालिकेतील अबोलीची सासू म्हणजेच रमा आई ठरली सर्वोत्कृष्ट सासू.
-
सर्वोत्कृष्ट पती ठरला मन धागा धागा जोडते नवा मालिकेतील सार्थक तर सर्वोत्कृष्ट पत्नीचा पुरस्कार शुभविवाहच्या भूमीला देण्यात आला.
-
सर्वोत्कृष्ट आई या पुरस्काराची मानकरी ठरली प्रेमाची गोष्ट मालिकेतील मुक्ता आणि मन धागा धागा मालिकेतील अण्णा ठरले सर्वोत्कृष्ट बाबा.
-
लक्ष्मीच्या पाऊलांनी मालिकेतील कलाला सर्वोत्कृष्ट मुलगी हा पुरस्कार देण्यात आला.
-
ठरलं तर मग मालिकेतील अर्जुन सायलीला सर्वोत्कृष्ट जोडीचा पुरस्कार देण्यात आला.
-
तर आपल्या स्टायलिश अंदाने प्रेक्षकांची मन जिंकणारे नित्या-अधिराज ठरले सर्वोत्कृष्ट स्टायलिश जोडी पुरस्काराचे विजेते.
-
सर्वोत्कृष्ट खलनायिकेचा पुरस्कार शुभविवाह मालिकेतील रागिणी आणि प्रेमाची गोष्ट मालिकेतील सावनी यांना विभागून देण्यात आला.
-
लक्ष्मीच्या पाऊलांनी मालिकेतील कला, नयना आणि काजल यांना सर्वोत्कृष्ट भावंडं पुरस्कार देण्यात आला तर ठरलं तर मग मालिकेतील सुभेदार कुटुंब ठरलं सर्वोत्कृष्ट परिवार.
-
सर्वोत्कृष्ट नवीन सदस्य हा पुरस्कार प्रेमाची गोष्ट मालिकेतील सागर आणि कुन्या राजाची गं तू रानी मालिकेतील गुंजाला देण्यात आला.
-
यंदाच्या पुरस्कार सोहळ्यात फेव्हरेट ग्लॅमरस फेस ठरली प्रेमाची गोष्ट मालिकेतील सावनी आणि तुझेच मी गीत गात आहे मालिकेतील मल्हार.
-
मी होणार सुपरस्टार छोटे उस्ताद या कार्यक्रमासाठी वैदेही परशुरामी आणि बालकलाकार सारा पालेकरला सर्वोत्कृष्ट निवेदकाचा पुरस्कार बहाल करण्यात आला.
-
स्टार प्रवाहच्या कुटुंबाचा हा कौतुक सोहळा प्रेक्षकांसाठी खऱ्या अर्थाने मनोरंजनाची अनोखी पर्वणी ठरला.
-
(सर्व फोटो सौजन्य : स्टार प्रवाह/इन्स्टाग्राम)
हाडं मोडली, ओठ चिरला अन्…; बॉलीवूड अभिनेत्रीचा भीषण अपघात, फोटो पाहून चाहते काळजीत
