-
संजय लीला भन्साळी यांच्या बहुचर्चित वेब सिरीज ‘हीरामंडी’मधील मिस्टर कार्टराईटच्या भूमिकेसाठी जेसन शाहचे खूप कौतुक झाले. अतिशय लहानशी भुमिकाही त्याने अत्यंत चोख बजावली.
-
टाईम्स ऑफ इंडियाला दिलेल्या मुलाखतीत, जेसनने त्याच्या आयुष्याबाबत अनेक खुलासे केले आहेत. तो म्हणाला की तो जवळपास 8 वर्षे या क्षेत्रात सक्रिय आहे. परंतु याआधी कधीही त्याला चाहत्यांचे इतके प्रेम मिळाले नव्हते.
-
तो पुढे म्हणाला की, गेल्या काही वर्षांमध्ये त्याच्या वैयक्तिक आणि व्यावसायिक आयुष्यात बरेच बदल झाले आहेत. इतकंच नाही तर त्याने अप्रत्यक्षपणे अभिनेत्री-व्हीजे अनुषा दांडेकरसोबतच्या ब्रेकअपबद्दलही सांगितले.
-
जेसन म्हणाला, “माझ्या शेवटच्या ब्रेकअपमुळे माझ्या आयुष्यात मोठे बदल झाले आहेत. मी अध्यात्मिक झालो असल्यामुळे मी पूर्वीपेक्षा अधिक शहाणा झालो आहे.”
-
ब्रेकअपबद्दल तो म्हणाला, “मी घाईघाईत ब्रेकअप केले. माझ्या आयुष्यात याने काय फरक पडेल याचा मी विचारच केला नव्हता. मात्र, यावेळी समोरची व्यक्ती मला समजू शकली नाही.”
-
“मला असे वाटायचे की ती मला तिच्या म्हणण्यानुसार वागवण्याचा प्रयत्न करत होती. असे मी कधीही होऊ देणार नाही. यानंतरच माझे ब्रेकअप झाले.”
-
तो सध्या कोणाला डेट करत आहे याबाबत विचारले असता त्याने कोणतीही प्रतिक्रिया दिली नाही.
-
दरम्यान, २०१७ साली जेसन आणि अनुषा यांनी इन्स्टाग्रामवर फोटो अपलोड करत त्यांचे नाते अधिकृत केले. मात्र २०२१ साली त्यांचे ब्रेकअप झाले.
-
जेसनच्या वर्क फ्रंटबद्दल बोलायचे झाले तर, ‘हीरामंडी’मधील उत्कृष्ट कामगिरीनंतर त्याला ‘बिग बॉस ओटीटी सीझन 3’ विचारण्यात आले असल्याच्या बातम्या आहेत.
-
तर, अनुषा ही बॉलिवूडमधील ग्लॅमरस सेलिब्रिटींपैकी एक मानली जाते. ती गायिका-अभिनेत्री आणि मॉडेल शिबानी दांडेकरची धाकटी बहीण आहे.
VIDEO: असं नशीब कोणाच्याच वाट्याला येऊ नये! पुण्यात नवीकोरी कार घेतली अन्…, ‘त्या’ माणसाबरोबर जे घडलं ते पाहून डोळ्यात येईल पाणी
