-
सध्या ‘कान फिल्म फेस्टिव्हल २०२४’ची खूप चर्चा सुरू आहे. या फेस्टिव्हलमधील फोटो, व्हिडीओ सोशल मीडियावर व्हायरल झाले आहेत. (फोटो सौजन्य – इंडियन एक्सप्रेस)
-
बॉलीवूडचे बरेच सेलिब्रिटी कानच्या रेड कार्पेटवर पाहायला मिळाले. एवढंच नव्हे तर सोशल मीडियावरील स्टार्सने देखील कानच्या रेड कार्पेटवर आपला जलवा दाखवला. (फोटो सौजन्य – इंडियन एक्सप्रेस)
-
बहुचर्चित अशा ‘कान फिल्म फेस्टिव्हल’ला प्रसिद्ध मराठी अभिनेत्री छाया कदम आईची साडी अन् नथ घालून पोहोचल्या होत्या. याचे सुंदर फोटो त्यांनी सोशल मीडियावर शेअर करत भावुक पोस्ट लिहिली होती. (फोटो सौजन्य – छाया कदम इन्स्टाग्राम)
-
‘कान फेस्टिव्हल’साठी छाया कदम १५ मेला मुंबईतून रवाना झाल्या. तेव्हा मुंबई विमानतळावरील फोटो शेअर करून त्यांनी चाहत्यांना याबाबत माहिती दिली. त्यानंतर त्यांनी ‘कान फेस्टिव्हल’ला पोहोचल्यानंतरचे फोटो शेअर केले आहेत. (फोटो सौजन्य – छाया कदम इन्स्टाग्राम)
-
आईची साडी, नथ, केसात गजरा, कपाळावर टिकली असा मराठमोळा लूक करून छाया ‘कान फेस्टिव्हल’ला पोहोचल्या होत्या. याचे फोटो शेअर करत त्यांनी लिहिलं होतं, “आई तुला विमानातून फिरवण्याचं माझं स्वप्न अधुरं राहिलं…पण आज तुझी साडी आणि नथ मी विमानातून ‘कान फिल्म फेस्टिव्हल’पर्यंत घेऊन आले, याचं समाधान आहे. तरी आई आज तू हवी होतीस. हे सगळं पाहण्यासाठी. लव्ह यू मम्मुडी आणि खूप खूप मिस यू.” (फोटो सौजन्य – छाया कदम इन्स्टाग्राम)
-
कानमधील छाया कदम यांच्या लूकची खूप चर्चा होतं आहे. तसंच त्यांचं कौतुक केलं जात आहे. (फोटो सौजन्य – छाया कदम इन्स्टाग्राम)
-
अमृता शिवाय बॉलीवूड अभिनेत्री राधिका आपटे, प्रियदर्शनी इंदलकर, तन्मय झक्का, अश्विनी कासार, प्रियांका तेंडोलकर, नंदिता पाटकर, राधिका विद्यासागर अशा अनेक कलाकारांनी छाया कदम यांच्या कानमधील मराठमोळ्या लूकचं कौतुक केलं. (फोटो सौजन्य – छाया कदम इन्स्टाग्राम)
-
छाया कदम यांच्या कामाबद्दल बोलायचं झालं तर, सध्या त्यांच्या दोन हिंदी चित्रपटांची खूप चर्चा सुरू आहे. किरण राव दिग्दर्शित ‘लापता लेडिज’ चित्रपटात छाया मंजू माईच्या भूमिकेत झळकल्या आहेत. तर कुणाल खेमू दिग्दर्शित ‘मडगांव एक्सप्रेस’ चित्रपटात त्या महत्त्वाच्या भूमिकेत पाहायला मिळत आहेत. (फोटो सौजन्य – छाया कदम इन्स्टाग्राम)
