-
दरवर्षी भारताच्या कानाकोपऱ्यातून लाखों लोक अभिनेते बनण्याचे स्वप्न उराशी घेऊन मुंबईत येतात. मात्र यातील खूप कमी लोक आपले स्वप्न सत्यात उतरवण्यात यशस्वी ठरतात.
-
आज आपण अशाच एका अभिनेत्याबाबत जाणून घेणार आहे ज्याने अनेक वर्षांच्या मेहनतीनंतर ओटीटी विश्वात आपले वेगळे स्थान निर्माण केले आहे.
-
आर्थिक परिस्थिती सुधारण्यासाठी या अभिनेत्याने चक्क वेटर म्हणूनही काम केले होते. मात्र, ‘पंचायत’ या लोकप्रिय वेबसिरीजमधून त्याने प्रेक्षकांच्या मनात वेगळे स्थान निर्माण केले आहे.
-
हा अभिनेता म्हणजे ‘गणेश’ हे पात्र साकारणारा आसिफ खान. आसिफने अभिनेता बनण्यासाठी अथक परिश्रम केले आहेत.
-
आसिफ पंचायतच्या पहिल्या पर्वात सर्वांत नावडत्या पात्रापासून तिसऱ्या पर्वातील सर्वांत आवडत्या पात्रांपैकी एक ठरला आहे. मात्र आसिफच्या इथपर्यंतचा प्रवास सोपा नव्हता. हिंदुस्थान टाइम्सला दिलेल्या मुलाखतीत त्याने याबाबत खुलासा केला आहे.
-
वडिलांचे निधन झाल्यानंतर घर सांभाळण्यासाठी आसिफ लहान-मोठी कामे करू लागला होता. २०१० साली त्याने अभिनेता बनण्यासाठी आपल्या आईला मनवले.
-
आसिफने सांगितले की, घराची आर्थिक परिस्थिती सांभाळण्यासाठी त्याने एका हॉटेलमध्ये वेटरचे काम सुरू केले. काही महिन्यांनी तो किचन डिपार्टमेंटमध्ये काम करत असताना त्या हॉटेलमध्ये एका पार्टीचे आयोजन करण्यात आले होते.
-
ही पार्टीमध्ये सैफ अली खान आणि करीना कपूरच्या लग्नाचे रिसेप्शन होते. काही दिवसांनी आसिफने ही नोकरी सोडून मॉलमध्ये काम सुरू केले. यावेळी त्याने काही ऑडिशन दिले आणि जयपूरमधील एका थिएटर ग्रुपमध्ये सहभागी झाला.
-
त्यानंतर आसिफ खानने कास्टिंग असिस्टंट म्हणून आपल्या करिअरची सुरुवात केली आणि ‘टॉयलेट: एक प्रेम कथा’, ‘परी’, ‘पग्ग्लैट’ आणि ‘इंडियाज मोस्ट वॉन्टेड’ यांसारख्या चित्रपटांमध्ये छोटे छोटे काम केले.
-
आसिफला २०२० ची हिट मालिका ‘जामतारा’ मधून सर्वात मोठा ब्रेक मिळाला आणि तेव्हापासून त्याने यशाचे शिखर चढण्यास सुरुवात केली.
-
या मालिकेनंतर तो ‘पाताल लोक’ आणि ‘मिर्झापूर’सह अनेक मालिकांमध्ये महत्त्वाच्या भुमिकेत दिसला. यानंतर तो ‘द ग्रेट इंडियन फॅमिली’मध्ये मोठ्या पडद्यावर दिसला होता.
-
आसिफ आता ‘सेक्शन 108’, ‘काकुडा’, ‘नोरानी चेहरा’, ‘इश्क चकला’ आणि ‘द व्हर्जिन ट्रीम’ध्ये दिसणार आहे.
“बायकोने सांगितलंय…”, पठ्ठ्याने बाइकच्या मागे लिहिलं ‘असं’ काही की, वाचून पोट धरून हसाल
