Photos: ‘मुंज्या’मधील ‘बिट्टू’ची खऱ्या आयुष्यातील ‘बेला’ कशी आहे? अभिनेता म्हणतो, “भारतीय मुली…”

1/12

‘मुंज्या’ चित्रपट बॉक्स ऑफिसवर दमदार कमाई करत आहे. कोकणातील लोककथेवर आधारित हा चित्रपट पाहण्यासाठी प्रेक्षकांची गर्दी होत आहे. परिणामी चित्रपटाने अवघ्या सहा दिवसांत बजेट वसूल केलं आहे.

2/12

‘मुंज्या’ चित्रपटाचं बजेट ३० कोटी रुपये आहे. बजेटची रक्कम या चित्रपटाने रिलीजच्या अवघ्या सहा दिवसांत वसूल केली आहे. बॉक्स ऑफिसवर अवघ्या सहा दिवसांत चित्रपटाने ३१.१५ कोटी रुपयांचा गल्ला जमवला.

3/12

या चित्रपटात शर्वरी वाघ, अभय वर्मा, मोना सिंह यांच्याबरोबरच सुहास जोशी, अजय पूरकर, भाग्यश्री लिमये, श्रुती मराठे हे कलाकार आहेत. या चित्रपटाचं दिग्दर्शन आदित्य सरपोतदार यांनी केलं आहे.

4/12

दरम्यान, ‘मुंज्या’ या चित्रपटातील कामामुळे अभिनेता अभय वर्मा चांगलाच चर्चेत आला आहे. अभिनयाबरोबरच त्याचे क्यूट लूक्स पाहून महिला चाहतावर्ग घायाळ झाला आहे.

5/12

अभयने ‘मुंज्या’च्या आधी ‘फॅमिली मॅन’, ‘ए वतन मेरे वतन’, ‘सफेदी’ यांसारख्या प्रोजेक्टमध्ये महत्त्वाच्या भुमिका साकारल्या आहेत.

6/12

अशातच अभय वर्माची गर्लफ्रेंड कोण आहे, त्याची लव्हलाइफ कशी आहे, हे जाणून घेण्यासाठी तरुणी उत्सुक आहेत. आज आपण अभयच्या गर्लफ्रेंडबद्दल जाणून घेऊया.

7/12

अभय वर्माने अलीकडेच बॉलीवूड लाइफला दिलेल्या मुलाखतीत त्याच्या रिलेशनशिपबाबतच्या अफवांबाबत मौन सोडले आहे.

8/12

या मुलाखतीत त्याने खुलासा केला की तो अद्याप सिंगल आहे. मात्र त्याने होणारा जोडीदार कसा असावा याबाबत त्याचे मत व्यक्त केले आहे.

9/12

अभयने सांगितले की त्याला मॉडर्न मात्र तितकीच भारतीय मुळांना धरून असलेली जोडीदार हवी आहे. तसेच त्या मुलीसह त्याची समजूतदार मैत्री असावी असेही त्याला वाटते.

10/12

यावरून असे लक्षात येते की अभय त्याच्या नात्यामध्ये मैत्री आणि समजूतदारपणाला विशेष महत्त्व देतो.

11/12

दरम्यान, चाहत्यांना अभयचे हे मत फारच आवडले असून ते त्याच्या भावी जीवनासाठी त्याला शुभेच्छा देत आहेत.

12/12

चित्रपटाबाबत बोलायचे झाले तर ‘मुंज्या’ हा ‘स्त्री’, ‘रूही’ आणि ‘भेडिया’ नंतर मॅडॉक सुपरनॅचरल युनिव्हर्सचा चौथा चित्रपट आहे. हा चित्रपट लिजेंड ऑफ मुंज्याभोवती फिरतो. कोकणातील लोककथांवर आधारित हा चित्रपट आहे.