-
उद्योगपती मुकेश अंबानी व नीता अंबानींचा धाकटा मुलगा अनंत अंबानी १२ जुलैला बोहल्यावर चढणार आहे. राधिका मर्चंट हिच्याबरोबर सात फेरे घेऊन अनंत अंबानी आयुष्याच्या नव्या वाटेवर पाऊल ठेवणार आहे. हिंदू पद्धतीने अनंत-राधिकाच लग्न होणार आहे.
-
गेल्या काही दिवसांपासून अनंत अंबानी स्वतः बॉलीवूडच्या सेलिब्रिटींना आमंत्रण देताना पाहायला मिळत आहेत. याशिवाय नीता अंबानी देखील मुलाची लग्न पत्रिका घेऊन काशी विश्वानाथ मंदिरात पोहोचल्या होत्या. यावेळी त्यांनी वाराणसीत गंगा आरती केली. एवढेच नव्हे तर नीता अंबानींनी तिथल्या प्रसिद्ध हॉटेलमध्ये लोकप्रिय पदार्थांचा आस्वाद घेतला.
-
अनंत-राधिकाचा लग्नसोहळा तीन दिवस असणार आहे. १३ जुलैला शुभ आशीर्वादचा कार्यक्रम होणार असून १४ जुलैला मोठा रिसेप्शन सोहळा आयोजित करण्यात आला आहे. या लग्नसोहळ्यात बॉलीवूड सेलिब्रिटींसह दिग्गज मंडळी उपस्थित राहणार आहेत.
-
तसेच नीता अंबानींनी लाडक्या मुलाच्या लग्नासाठी वाराणसीतून साड्या देखील खरेदी केल्या. याचा व्हिडीओ सध्या सोशल मीडियावर तुफान व्हायरल झाला आहे.
-
‘आज तक’च्या वृत्तानुसार, नीता अंबानींनी एक नव्हे तर ६० साड्या खरेदी केल्या आहेत. वाराणसी दौऱ्यावर असताना त्यांनी उशीरा रात्री एका हॉटेलमध्ये साड्यांचा स्टॉल लावला. त्यानंतर त्यांनी अनेक रंगाचा साड्या पाहिल्या. यावेळी त्यांनी स्वतःसाठी १ लाख ८० हजार रुपयांची लाख बूटी असलेली साडी खरेदी केली.
-
साडी व्यापारी अमरेश कुशवाहा ‘आज तक’शी संवाद साधताना म्हणाले, “मला नीता अंबानींच्या लोकांनी संपर्क केला होता. ज्यानंतर मी ६० साड्या घेऊन हॉटेलमध्ये पोहोचलो होतो. रात्री उशीरा नीता अंबानींनी स्वतः साड्या पाहिल्या.”
-
पुढे अमरेश कुशवाहा म्हणाले, “त्यांना लाख बूटी असलेली साडी खूप आवडली. ही साडी सोन्या-चांदीने तयार केली असून लाल रंगाची आहे. तसेच मी ज्या साड्या घेऊन गेलो होतो त्या सुद्धा सर्व साड्या त्यांच्याकडेच आहेत. त्यांनी स्वतःसाठी घेतलेल्या साडीला तयार करण्यासाठी ५० ते ६० दिवस लागले होते. त्याची किंमत १ लाख ८० हजार रुपये आहे.”
-
साडी तयार करणारे कारागीर छोटे लाल पाल म्हणाले, “नीता अंबानींनी स्वतःसाठी खरेदी केलेली साडी मी तयार केली आहे. या साडीचे वैशिष्ट्य असे की रेशमी कपड्यावर काम केले आहे. त्यावर चांदीची तार असून सोन्याचे पाणी चढवले आहे.”
-
“ही साडी तयार करण्यासाठी ६० ते ६२ दिवस लागले होते. माझ्या हाताने तयार केलेली साडी नीता अंबानींना आवडली, याचा मला खूप आनंद आहे. जेव्हा त्या मी तयार केलेली साडी नेसतील तेव्हा मी सगळ्यांना आनंदाने सांगेन की, ही साडी मी तयार केली आहे,” असं छोटे लाल पाल म्हणाले. (सर्व फोटो सौजन्य- अंबानी अपडेट इन्स्टाग्राम पेज आणि इंडियन एक्सप्रेस)
NCP Sharadchandra Pawar Winner Candidate List: शरद पवारांचे किती शिलेदार जिंकले आणि कोण पराभूत झाले? पाहा संपूर्ण यादी
