-
अभिनेत्री शिवानी रांगोळे सध्या ‘तुला शिकवीन चांगलाच धडा’ या मालिकेतून प्रेक्षकांचं मनोरंजन करत आहेत. ही मालिका लोकप्रियतेच्या शिखरावर आहे.
-
या मालिकेतील अक्षरा-अधिराजच्या जोडीला प्रेक्षकांनी डोक्यावर उचलून धरलं आहे. या मालिकेतील प्रत्येक पात्राने प्रेक्षकांची पसंती मिळवली आहे.
-
शिवानीने ‘सांग तू आहेस का’, ‘बन मस्का’, ‘शेजारी शेजारी पक्के शेजारी’, ‘आम्ही दोघी’ अशा अनेक मालिकांमध्ये महत्त्वाची भुमिका बजावली आहे.
-
मराठी मनोरंजन विश्वात प्रेक्षकांच्या मनावर राज्य करणाऱ्या शिवानीने मृणाल कुलकर्णी यांचा मुलगा अभिनेता विराजस कुलकर्णीशी लग्नगाठ बांधली.
-
३ मे २०२२ रोजी शिवानी आणि विराजस लग्नबंधनात अडकले. लग्नाआधी बरीच वर्ष ते एकमेकांना डेट करत होते. यामुळेच शिवानीचे मृणाल कुलकर्णी यांच्यासह अतिशय सुंदर नाते तयार झाले.
-
शिवानी अनेकदा मृणाल यांच्याबरोबरचे फोटो सोशल मीडियावर शेअर करत असते. दोघीही सासू-सुनांपेक्षा मैत्रिणींसारख्या राहतात.
-
त्यांच्या फोटोमधून त्यांचे मैत्रीचे नाते दिसून येते. काही काळापूर्वी शिवानीने मृणाल कुलकर्णी यांच्याबरोबरचे सुंदर फोटो सोशल मीडियावर शेअर केले आहेत.
-
शिवानीने या फोटोला “लव्ह यू ताई…” असं कॅप्शन दिलं आहे. या फोटोंमध्ये या सासू-सुनेचं सुंदर असं बॉण्डिंग पाहायला मिळत आहे.
-
शिवानीचा सासूबाईंबरोबरचा फोटो पाहून नेटकऱ्यांनी लाइक्स आणि कमेंट्सचा वर्षाव केला आहे. “लकी सासू…सुना”, “सुंदर नातं आहे दोघींमध्ये”, “टचवूड पण दोघीपण खूपच सुंदर राजबिंड्या दिसता…खूप प्रेम”, “सख्ख्या बहिणीच वाटता” अशा कमेंट्स नेटकऱ्यांनी शिवानीच्या पोस्टवर केल्या आहेत.
एका किसिंग सीनसाठी बॉलीवूड अभिनेत्याने घेतलेले तब्बल ३७ रिटेक, अभिनेत्रीला जबाबदार धरत म्हणालेला, “ती जाणूनबुजून…”
