-
अभिनेत्री शर्वरी वाघ सध्या ‘वेदा’ या चित्रपटामुळे चर्चेत आहे. हा चित्रपट १५ ऑगस्ट रोजी चित्रपटगृहामध्ये प्रदर्शित झाला. या चित्रपटात चाहत्यांनी अभिनेत्रीच्या ॲक्शन सीन्सचे खूप कौतुक केले आहे.
-
‘मुंज्या’नंतर ‘वेदा’मध्ये आपल्या अभिनयाने प्रेक्षकांच लक्ष वेधून घेणाऱ्या शर्वरीसाठी इंडस्ट्रीत प्रवेश करणं सोपं नव्हतं. अगोदर तिने सहाय्यक दिग्दर्शक म्हणून आपल्या करिअरची सुरुवात केली. ‘प्यार का पंचनामा-२’, ‘बाजीराव मस्तानी’ आणि ‘सोनू के टीटू की स्वीटी’ या चित्रपटांमध्ये सहाय्यक दिग्दर्शक म्हणून शर्वरीने काम केले आहे.
-
२०२० मध्ये शर्वरीने कबीर खानच्या ‘द फॉरगॉटन आर्मी’ या वेब सीरिजमधून आपल्या अभिनय कारकिर्दीला सुरुवात केली. या वेब सीरिजमध्ये ती सनी कौशलसोबत मुख्य भूमिकेत दिसली.
-
२०२१ मध्ये तिने ‘बंटी और बबली-२’ मधून बॉलिवूडमध्ये पदार्पण केले. या चित्रपटात ती ‘सोनिया बबली रावत’च्या भूमिकेत दिसली होती. यानंतर अभिनेत्रीला ‘मुंज्या’, ‘महाराज’ आणि ‘वेदा’ सारख्या चित्रपटात काम करण्याची संधी मिळाली.
-
पण तुम्हाला माहित आहे का की शर्वरी वाघ ही एका राजकीय कुटुंबातली आहे. मुंबईतील जन्मलेली शर्वरीचे आजोबा मनोहर जोशी महाराष्ट्राचे माजी मुख्यमंत्री होते.
-
शर्वरीचे वडील शैलेश वाघ हे मुंबईत बांधकाम व्यावसायिक आहेत, तर आई नम्रता वाघ आर्किटेक्ट आहे. याशिवाय तिची बहीण कस्तुरी ही आर्किटेक्ट आहे.
-
शर्वरीच्या एकूण संपत्तीबद्दल बोलायचे झाले तर मीडिया रिपोर्टनुसार शर्वरीची एकूण संपत्ती १.५० कोटी रुपये आहे. अभिनेत्रीने ‘वेदा’ चित्रपटासाठी जवळपास ५० लाख रुपयांचे मानधन घेतले आहे.
-
चित्रपटांव्यतिरिक्त, शर्वरी ‘पॉन्ड्स’ आणि ‘हेड अँड शोल्डर्स’ सारख्या मोठ्या ब्रॅंडसच्या जाहिरातींमधून लाखांची कमाई करते.
-
(सर्व फोटो- शर्वरी वाघ /इन्स्टाग्राम)
अमेरिकेत शिकतेय प्रसिद्ध अभिनेत्याची एकुलती एक लेक; म्हणाला, “मी २० तास प्रवास करून गेलो अन् ती…”
