-
सध्या पंकज त्रिपाठी त्यांच्या नुकत्याच प्रदर्शित झालेल्या ‘स्त्री 2’ चित्रपटामुळे चर्चेत असून या चित्रपटाला प्रेक्षकांचा चांगला प्रतिसाद मिळत आहे.
-
अभिनेते पंकज त्रिपाठी यांनी अतिशय कठोर मेहनतीच्या जोरावर आज हे यश संपादन केले आहे. म्हणूनच त्यांची गणना बॉलीवूडमधील यशस्वी आणि कुशल अभिनेत्यांमध्ये केली जाते.
-
मात्र, कोट्यवधी कमावणारा हा अभिनेता वैयक्तिक आयुष्यात अतिशय साधे जीवन जगतो. अशीही एक वेळ आली होती की त्यांना मनात नसताना जबरदस्ती एक महागडी गाडी विकत घ्यावी लागली होती.
-
पंकज त्रिपाठी यांनी आपल्या अभिनय कारकिर्दीची सुरुवात चित्रपटांमध्ये छोट्या भूमिका करून केली. पण त्यानंतर ‘मिर्झापूर’ सारख्या वेबसिरीज आणि चित्रपटांमधील त्यांच्या अभिनयाचे सर्वच चाहते झाले. (Prime Video)
-
पंकज त्रिपाठी यांनी आतापर्यंत त्यांच्या चित्रपटांमध्ये खलनायकापासून ते नायक आणि कॉमेडियनपर्यंतच्या महत्त्वाच्या भूमिका साकारल्या आहेत.
-
‘स्त्री 2’ मधील त्यांची भूमिकाही खूपच मनोरंजक आहे. पण चित्रपटांपेक्षा पंकज त्यांच्या साधेपणासाठी प्रसिद्ध आहे.
-
एकदा ‘आप की अदालत’ या कार्यक्रमात त्यांनी त्यांच्या वैयक्तिक आयुष्याबाबत अनेक खुलासे केले होते. यावेळी त्यांना त्यांच्या आलिशान गाड्यांबाबतही प्रश्न विचारण्यात आले होते.
-
पंकज म्हणाले, ‘त्यांच्याकडे दोन ऑटो आणि दोन स्कूटर आहेत. बहुतेकदा त्यांना याच गाड्यांमधून प्रवास करायला आवडते. मात्र याचा अर्थ असा नाही की त्यांच्याकडे कोणतीही आलिशान गाडी नाही.’
-
पंकज पुढे म्हणाले, ‘मला कामासाठी मोठी गाडी घ्यावी लागली. खरंतर मी जेव्हा छोट्या गाडीतून दिग्दर्शकांना भेटायला जायचो. त्यांना वाटायचं की त्यांनी एका छोट्या अभिनेत्याला कास्ट केलंय, जो एका सामान्य कारमधून प्रवास करतो.’
-
त्यांनी पुढे खुलासा केला की, ‘दिग्दर्शकांचे वागणे पाहूनच मी मोठी कार घेण्याचा निर्णय घेतला. जेव्हा मी मोठ्या चित्रपटासाठी जातो तेव्हाच मी ती कार बाहेर काढतो.’
-
पंकज त्रिपाठी शेवटची वेब सीरिज ‘मिर्झापूर ३’ मध्ये दिसले होते. आता ते ‘स्त्री 2’मधून प्रेक्षकांना पोट धरून हसवत आहेत. या चित्रपटाने बॉक्स ऑफिसवर चांगली कमाई केली आहे.
-
सर्व फोटो : पंकज त्रिपाठी सोशल मीडिया
![amitabh bachchan talked about rekha](https://www.loksatta.com/wp-content/uploads/2024/09/amitabh-bachchan-talked-about-rekha.jpg?w=300&h=200&crop=1)
रेखा यांच्याबरोबरच्या नात्याबद्दल विचारल्यावर अमिताभ बच्चन म्हणाले होते, “ती माझी…”