दोन वर्षांपूर्वी घटस्फोटित मित्राशी लग्न करणाऱ्या बॉलीवूड अभिनेत्रीने घेतलं आलिशान घर, पाहा खास Photos

आपल्या ग्लॅमर अंदाजामुळे चर्चेत राहणाऱ्या हंसिका मोटवानीने इन्स्टाग्रामवरून एक आनंदाची बातमी दिली. दाक्षिणात्य व बॉलीवूड अभिनेत्री हंसिका मोटवानीने नवीन आलिशान घर घेतलं आहे. तिने गृहप्रवेशाचे फोटो तिच्या इन्स्टाग्राम अकाउंटवर शेअर केले आहे. या फोटोंमध्ये तिच्या घराची झलक पाहायला मिळत आहे. हंसिकाने पती सोहेल खातुरियाबरोबर गृहप्रवेश केला. हंसिकाने पती सोहेल खातुरियाबरोबर नवीन घरात पूजा केल्याचं फोटोमध्ये दिसतंय. नवीन घराच्या गृहप्रवेश पूजेतील काही क्षण तिने चाहत्यांबरोबर शेअर केले. हंसिकाने ‘नवीन सुरुवात’ म्हणत तिच्या या घराचे काही फोटो व पूजेचे फोटो तिच्या इन्स्टाग्राम अकाउंटवर शेअर केले. हृतिक रोशनच्या ‘कोई मिल गया’ या चित्रपटातून बालकलाकार म्हणून आपल्या फिल्मी करिअरची सुरुवात करणारी अभिनेत्री हंसिका मोटवानी लोकप्रिय अभिनेत्री आहे. हंसिकाने दोन वर्षांपूर्वी सोहेल खातुरियाशी लग्न केलं. सोहेल हा घटस्फोटित होता. सोहेल व हंसिका मित्र आणि बिझनेस पार्टनरल होते. नंतर ते प्रेमात पडले. (सर्व फोटो - हंसिका मोटवानी इन्स्टाग्राम)