-
राज कपूर आणि झीनत अमान यांची प्रमुख भूमिका असलेला ‘सत्यम शिवम सुंदरम’ हा चित्रपट हिंदी चित्रपटसृष्टीतील महत्त्वाचा चित्रपट मानला जातो.
-
झीनत अमान यांनी साकारलेल्या रुपा या पात्राची मोठी चर्चा झाली होती.
-
आता दिग्गज अभिनेत्री झीनत अमान यांनी सोशल मीडयावर त्या भूमिकेसाठी त्यांना कास्ट करावं म्हणून त्यांनी कसे कपडे घातले होते, हे शेअर केले आहे.
-
१९७६ साली मी राज कपूर आणि शशी कपूर यांच्याबरोबर ‘वकील बाबू’ या चित्रपटात काम करत होते.
-
त्या दिवसांत राज कपूर ‘सत्यम शिवम सुंदरम’ या चित्रपटाच्या कल्पनेबद्दल चर्चा करत असत.
-
त्या दिवसांत त्यांनी आम्हाला या चित्रपटाच्या कथेबद्दल असे सांगितले होते की, एक पुरुष एका स्त्रीच्या आवाजाच्या प्रेमात पडतो, पण तिच्या दिसण्याशी त्याला जुळवून घेता येत नाही. इतके ते चित्रपटाबद्दल उत्सुक होते, मात्र त्यांना मला रुपाच्या भूमिकेत कास्ट करायचे नव्हते.
-
मी त्यावेळी मोठी स्टार होते, मात्र त्यांनी मला कास्ट करण्यात रस दाखवला नाही, त्याचा मला त्रास होऊ लागला. माझी मॉडर्न प्रतिमा, मिनी स्कर्ट आणि बूट यामुळे मी त्यांना रुपाच्या पात्रात दिसत नव्हते.”
-
“त्यानंतर मी एका संध्याकाळी लवकर शूट संपवले आणि माझ्या ड्रेसिंग रुममध्ये जास्तीचे ३० मिनिट घालवले. मला जशी रुपा वाटत होती, तशी मी तयार झाले.
-
“मी घागरा चोळी घातली आणि रिबीनीने माझ्या केसांच्या वेण्या घातल्या. त्यानंतर माझ्या चेहऱ्यावर डिंकाने टिश्यू पेपर चिटकवून डाग लावला.”
-
“मला माहीत होते की, राजजी त्यांचा बहुतेक वेळ हा द कॉटेज या ठिकाणी घालवत असत. तिथे ते त्यांच्या मीटिंग, छोटे कार्यक्रम आयोजित करत असत. जेव्हा मी तयार होऊन कॉटेजवर पोहोचले.”
-
“मला त्या अवतारात बघून, गावाकडील मुलीच्या रुपात बघून त्यांना खूप आनंद झाला होता. जेव्हा त्यांचे हसणे थांबले, तेव्हा एक फोन करण्याच्या निमित्ताने ते बाजूला गेले.”
-
“२० मिनिटानंतर त्यांची पत्नी कृष्णाजी दारात उभ्या होत्या. मूठभर सोन्याच्या गिनी त्यांच्या पर्समध्ये होत्या. राजजींनी चित्रपटाच्या स्वाक्षरीची किंमत म्हणून त्या माझ्याकडे मोठ्या आस्थेने दिल्या आणि अशा प्रकारे मला रुपाची भूमिका मिळाली,” अशी आठवण सोशल मीडियावर शेअर केली आहे. (सर्व फोटो सौजन्य: झीनत अमान इन्स्टाग्राम)
महिलांनो तुम्हीही बाजारातून संत्री विकत घेताय का? थांबा! ‘हा’ VIDEO पाहून संत्री घेताना आता १०० वेळा विचार कराल
