-
‘कोकण हार्टेड गर्ल’ म्हणून ओळखली जाणारी लोकप्रिय सोशल मीडिया इन्फ्लुएन्सर अंकिता वालावलकर आता लवकरच विवाहबंधनात अडकणार आहे.
-
‘बिग बॉस मराठी’च्या पाचव्या सीझनमुळे घराघरांत अंकिताला एक वेगळी ओळख मिळाली. गेल्या कित्येक दिवसांपासून अंकिताचे चाहते तिच्या लग्नाची आतुरतेने वाट पाहात होते.
-
अखेर आता लग्नघटिका समीप आली असून नुकताच वालावलकरांच्या घरी अंकिता व कुणाल यांचा मेहंदी सोहळा पार पडला.
-
मेहंदी सोहळ्यासाठी अंकिताने इंडो-वेस्टर्न लूक केल्याचं पाहायला मिळत आहे.
-
नारिंगी रंगाच्या ड्रेसमध्ये अंकिता फारच सुंदर दिसत होती. तर, कुणालने यावेळी व्हाइट रंगाची डिझायनर शेरवानी घालून त्यावर अंकिताच्या ड्रेसला मॅच होईल अशी नारिंगी रंगाची ओढणी घेतली होती.
-
अंकिता व कुणाल या दोघांच्या मेहंदी सोहळ्याचे बरेच फोटो सध्या सोशल मीडियावर व्हायरल होत आहेत.
-
या फोटोंना ‘कोकण हार्टेड गर्ल’ने खास कॅप्शन दिलं आहे. सुरुवातीला लाडक्या नवऱ्याचं कौतुक करत शेवटी अंकिताने कॅप्शनमध्ये “आयुष्याची पहिली पायरी सोबत चढतोय. आशीर्वाद असूद्या” असं आपल्या चाहत्यांना म्हटलं आहे.
-
अंकिता वालावलकर व कुणाल यांचा विवाहसोहळा कोकणातील देवबाग येथे पार पडणार आहे. अंकिताने आधीच कोकणात लग्न करणार असल्याचं स्पष्ट केलं होतं. यानुसार आता तिच्या घरी लग्नाआधीच्या विधींना सुरुवात झालेली आहे.
-
दरम्यान, अंकिताच्या लग्नासाठी अनेक सोशल मीडिया इन्फ्लुएन्सर तसेच सेलिब्रिटी कोकणात पोहोचले आहेत. हे सगळे मिळून अंकिता-कुणालच्या लग्नात धमाल करणार आहेत. ( सर्व फोटो सौजन्य : clickography, mukesh_narkar.in व अंकिता वालावलकर इन्स्टाग्राम )
Valentine’s Day 2025 Wishes : प्रिय व्यक्तीला द्या ‘व्हॅलेंटाईन डे’ च्या मराठमोळ्या शुभेच्छा; Whatsapp message, Status, Facebook वर प्रिय व्यक्तीला पाठवा प्रेमाच्या सुंदर चारोळ्या
