-
गेल्या वर्षा अखेरीस ‘प्रेमाची गोष्ट’ मालिकेतील मिहीर म्हणजे अभिनेता राजस सुळे लग्नबंधनात अडकला. नऊ वर्षांपासून रिलेशनशिपमध्ये असणाऱ्या चैत्राली पितळेशी राजसने लग्नगाठ बांधून आयुषच्या नव्या प्रवासाला सुरुवात केली. मोठ्या थाटामाटात राजस सुळेचं लग्न झालं होतं.
-
राजसनंतर आता ‘प्रेमाची गोष्ट’ मालिकेतील आणखीन एक अभिनेता लग्नबंधनात अडकला आहे. तेजश्री प्रधानने अभिनेत्याचा लग्नसोहळ्यातील फोटो शेअर करत खास शुभेच्छा दिल्या आहेत.
-
‘प्रेमाची गोष्ट’ मालिकेतील लकी म्हणजे अभिनेता आयुष भिडे लग्नबंधनात अडकला आहे.
-
आयुषच्या लग्नाचे फोटो सोशल मीडियावर व्हायरल झाले आहेत.
-
तेजश्री प्रधानने इन्स्टाग्राम स्टोरीच्या माध्यमातून आयुषला लग्नाच्या शुभेच्छा दिल्या आहेत. तेजश्रीने फोटो शेअर करत लिहिलं, “आयुष तुला वैवाहिक जीवन आनंददायी जावो या शुभेच्छा.” तेजश्रीने शेअर केलेल्या फोटोमध्ये आयुष व कोमलचा संगीत सोहळ्यातला लूक पाहायला मिळत आहे.
-
आयुषच्या बायकोचं नाव कोमल पटेल असं आहे. ती एक अभिनेत्री, डान्सर आणि इंटिरियर डिझायनर आहे.
-
लग्नात आयुष आणि कोमलने ऑफ व्हाइट रंगाचा पेहराव केला होता. आयुषची पत्नी कोमलने ऑफ व्हाइट रंगाचा भरजरी लेहेंगा घातला होता. ज्यावर तिने लाल रंगाची ओढणी आणि बांगड्या घातल्या होत्या. तर आयुष ऑफ व्हाइट रंगाच्या शेरवानीमध्ये दिसला.
-
आयुषच्या लग्नासाठी ‘प्रेमाची गोष्ट’ मालिकेतील कलाकारांनी खास हजेरी लावली होती. दिग्दर्शक विघ्नेश कांबळे, राज हंचनाळे, राजस सुळे, नरेंद्र केरेकर, इरा परवडे, कोमल सोमारे गजमल, लक्ष्मी चापोरकर हे कलाकार आयुषच्या लग्नात उपस्थित राहिले होते.
-
दरम्यान, आयुष भिडेच्या कामाबद्दल बोलायचं झालं तर, ‘प्रेमाची गोष्ट’ मालिकेआधी त्याने ‘आई कुठे काय करते’, ‘जय जय स्वामी समर्थ’, ‘रंग माझा वेगळा’, ‘जय भवानी जय शिवाजी’ या मालिकांमध्ये काम केलं आहे. ( सर्व फोटो सौजन्य – आयुष भिडे इन्स्टाग्राम )
‘लाखात एक आमचा दादा’ फेम मराठी अभिनेते संतोष नलावडे यांचे अपघाती निधन
