-
पुण्यात ‘गणपती बाप्पा मोरया’, ‘मंगलमूर्ती मोरया’ गजरात, सनई व चौघड्यांची सुरात, शंख नाद आणि ढोल ताशांचा जल्लोषपूर्ण निनाद आणि पारंपरिक रथ अशा उत्साही व मंगलमय वातावरणात श्रीमंत भाऊसाहेब रंगारी गणपती ट्रस्टच्या बाप्पाचे आगमन झाले. (छायाचित्र सौजन्य – सागर कासार)
-
राज्याचे उच्च व तंत्रशिक्षणमंत्री चंद्रकांत पाटील यांच्या हस्ते दुपारी १२ वाजून १० मिनिटांनी बाप्पाची प्राणप्रतिष्ठा करण्यात आली.
-
यावेळी मंडळाचे विश्वस्त व उत्सवप्रमुख पुनीत बालन, मंडळाचे अध्यक्ष संजीव जावळे, जान्हवी धारीवाल-बालन, भाजप संघटक सरचिटणीस राजेश पांडे, संदीप खर्डेकर आदी मान्यवरांसह मंडळाचे शेकडो कार्यकर्ते, गणेशभक्त उपस्थित होते.
-
मंत्री चंद्रकांत पाटील म्हणाले, “१८९२ पासूनची जुनी परंपरा असणारा, भारतातील पहिला सार्वजनिक गणपती असणाऱ्या श्रीमंत भाऊसाहेब रंगारी ट्रस्टच्या बाप्पाची प्राणप्रतिष्ठा करताना आनंद होत आहे.”
-
“स्वातंत्र्यपूर्ण काळात भाऊसाहेब रंगारी मंडळाने महत्त्वपूर्ण कार्य केले आहे,” असेही पाटलांनी नमूद केलं.
-
दरम्यान सकाळी सव्वा नऊ वाजता बाप्पांची मिरवणूक मंडपातून सुरू झाली.
-
श्री तांबडी जोगेश्वरी चौक, अप्पा बळवंत चौक मार्गे सकाळ कार्यालय मार्गे पुन्हा मंडपात आली.
-
या मिरवणुकीतील रथाचे सारथ्य मंत्री पाटील यांच्यासह बालन दाम्पत्याने केले.
-
यावेळी श्रीराम, कलावंत, चेतक, वाद्यवृंद, अभेद्य, समर्थ, जगदंब या ढोलताशा पथकांबरोबरच नगारा, सनई चौघड्याच्या मंगलमय सुरात, रथातून पारंपरिक पद्धतीने होणाऱ्या मिरवणूक काढत श्रींची प्राणप्रतिष्ठा करण्यात आली.
-
पुनीत बालन म्हणाले, “करोनाचे विघ्न दूर झाल्याने तब्बल दोन वर्षानंतर पुन्हा त्याच जल्लोषात गणेशोत्सव साजरा करता येतोय, याचा मनस्वी आनंद आहे.”
-
“त्यामुळे हा गणेशोत्सव सर्वच गणेश भक्तांसाठी सर्वाथाने वेगळा आणि सामाजिक दायित्वाची जाणीव अधिक दृढ करणारा असणार आहे,” असंही बालन यांनी नमूद केलं. (छायाचित्र सौजन्य – सागर कासार)
-
श्रीमंत भाऊ रंगारी मंडळाच्या मिरवणुकीत अनोख्या फलकांनी सर्वांचंच लक्ष वेधून घेतलं.
-
या फलकांवर श्रीमंत भाऊ रंगारी मंडळाच्या गणपतीचा इतिहास सांगण्यात आला आहे.
-
मिरवणुकीत अनेक तरुण आपल्या हातात फलक घेऊन श्रीमंत भाऊ रंगारी मंडळाच्या इतिहासाची माहिती देत होते.
-
(छायाचित्र सौजन्य – सागर कासार)
-
(छायाचित्र सौजन्य – सागर कासार)
-
(छायाचित्र सौजन्य – सागर कासार)
-
(छायाचित्र सौजन्य – सागर कासार)
-
(छायाचित्र सौजन्य – सागर कासार)
-
(छायाचित्र सौजन्य – सागर कासार)
-
(छायाचित्र सौजन्य – सागर कासार)
-
(छायाचित्र सौजन्य – सागर कासार)
-
(छायाचित्र सौजन्य – सागर कासार)
-
(छायाचित्र सौजन्य – सागर कासार)
भाऊ कदम स्वत:च्या मुलींच्या लग्नात जाणार नाही? भावुक होत म्हणाले, “त्यांच्या लग्नाच्या विचाराने…”
