-
कुठेही प्रवासाला निघाल्यावर रस्त्याच्या बाजूला किलोमीटरचे आकडे दाखवण्यासाठी लावलेले दगड आपले लक्ष्य वेधून घेतात. या दगडांवर गाव, शहरांची नावे त्यांच्या अंतरासहीत दर्शवलेली असतात. मात्र अनेकदा या दगडांचे रंग वेगवेगळे का असा प्रश्न पडतो. म्हणजे काळा, पिवळा, हिरवा, पांढरा अशा वेगवेगळ्या रंगानी या दगडांचे शेंडे रंगवले जातात. आता त्यामागेही खास कारणं आहे. हा प्रत्येक रंग काहीतरी सांगत असतो. मात्र अनेकांना त्या रंगाचा अर्थ ठाऊक नसतो. लांबच्या प्रवासाला जाताना या दगडांच्या रंगांवरून अंतराचा आणि रस्त्याचा अंदाज बांधता येऊ शकतो. म्हणूनच जाणून घेऊयात कोणत्या रंगाच्या दगडाचा काय अर्थ असतो.
-
हिरवा-पांढरा दगड हिरवा-पांढऱ्या मैलाचा दगड राज्य महामार्ग सुचित करतो. या रस्त्यांच्या देखरेखीची जबाबदारी राज्य सरकारची असते.
-
पिवळा-पांढरा दगड पिवळा-पांढऱ्या रंगाचा मैलाचा दगड राष्ट्रीय महामार्ग दर्शवण्यासाठी वापरला जातो. जर रस्त्याच्याकडेला पिवळ्या पांढऱ्या दगडांवर अंतर लिहीलेले दिसले तर तुम्ही राष्ट्रीय महामार्गावरून प्रवास करत आहात असे समजावे. पिवळा-पांढऱ्या रंगाचा दगड हा राष्ट्रीय महामार्गावरच वापरला जातो.
-
नारंगी-पांढरा दगड नारंगी-पांढऱ्या रंगाच्या दगडाचा अर्थ असा होतो की तो रस्ता ‘प्रधानमंत्री ग्रामीण सडक योजने’अंतर्गत बांधण्यात आला आहे. मुख्य महामार्गापासून एखाद्या गावाला जोणाऱ्या रस्त्यावर हे नारंगी पांढरे दगड दिसतात. (फोटो: प्रोजेक्टस मॉनिटर डॉटकॉम)
-
निळा किंवा काळा पांढरा दगड प्रवासादरम्यान निळ्या आणि पांढऱ्या किंवा काळ्या आणि पांढऱ्या रंगाचा दगड दिसल्यास तुम्ही एखाद्या मोठ्या शहराजवळ आहात असे समजावे. हे रस्ते त्या शहराच्या जिल्ह्याच्या अंतर्गत असतात. जिल्हा प्रशासन त्यांच्या देखरेखीची काळजी घेते. (Photo: Instagram/ravimane)
-
पूर्ण पांढरा दगड: सामान्यपणे तुम्ही एखाद्या मोठ्या शहराच्या जवळ पोहचल्यानंतर पूर्ण पांढरा दगड मैलाचा दगड म्हणून दिसतो.
“तू मला आधी का नाही भेटलास?” म्हणत हृता दुर्गुळेने ‘या’ मराठी अभिनेत्याबरोबरचा फोटो केला शेअर
