स्वस्त झाली Mahindra ची जबरदस्त SUV, फक्त ₹5000 मध्ये करता येईल बुकिंग

1/

काही दिवसांपूर्वीच महिंद्राने आपली मिनी एसयूव्ही XUV300 च्या किंमतीत कपात केली होती, त्यानंतर आता कंपनीने आपल्या अजून एका एसयूव्हीच्या किंमतीत कपात केली आहे.

2/

महिंद्राने आपल्या XUV500 या एसयूव्हीच्या किंमतीत कपात केली आहे. Mahindra XUV500 एसयूव्ही चार व्हेरिअंटमध्ये- (W5, W7, W9 आणि W11 (O)) येते. या चारही व्हेरिअंटची किंमत आता आधीपेक्षा कमी झाली आहे.

3/

कंपनीने XUV500 च्या किंमतीत कपात करण्याचं कारण अद्याप स्पष्ट केलेलं नाही. पण XUV500 च्या सेगमेंटमध्ये बाजारात नवनवीन कार येत असल्याने प्रतिस्पर्धी कंपन्यांना टक्कर देण्यासाठी व मार्केटमध्ये टिकून राहण्यासाठी ही कपात झाल्याची शक्यता आहे.

4/

किंमतीत केलेल्या कपातीशिवाय कंपनी XUV500 वर डिस्काउंट आणि अनेक बेनेफिट्स देखील देत आहे. महिंद्रा XUV500 च्या खरेदीवर जवळपास 50,000 रुपये डिस्काउंट कंपनीकडून दिलं जात आहे.

5/

या डिस्काउंटमध्ये 30,000 रुपये एक्स्चेंज बोनस, 9000 रुपये कॉर्पोरेट डिस्काउंट आणि 12 हजार 760 रुपयांपर्यंत कॅश डिस्काउंटची ऑफर आहे. 5,000 रुपयांमध्ये XUV500 साठी ऑनलाइन बुकिंग सुरू आहे. पण, डिस्काउंटची ही ऑफर या महिन्यासाठीच आहे. (आता जाणून घेऊया या एसयूव्हीच्या इंजिन, फीचर्स आणि किंमतीत झालेल्या कपातीबाबत)

6/

BS6 इंजिनमधील महिंद्रा XUV500 मध्ये 2.2 लिटर डिझेल इंजिन आहे. हे इंजिन 155hp ची पॉवर आणि 320Nm पीक टॉर्क निर्माण करतं. या एसयूव्हीमध्ये 6 स्पीड मॅन्युअल ट्रान्समिशन आहे. पण ही गाडी लवकरच ऑटोमॅटिक ट्रान्समिशनच्या पर्यायासह येण्याचीही शक्यता आहे.

7/

Mahindra XUV500 मध्ये प्रोजेक्टर हेडलँम्प, सिल्वर ग्रिल इन्सर्ट, रूफ रेल्स, ब्लॅक कलर फॉगलॅम्प बेजल, 6 इंच इंफोटेन्मेंट सिस्टिम, साउंड सिस्टिम, व्हॉइस कमांड, स्मार्ट वॉच कनेक्टिव्हिटी, इलेक्ट्रॉनिक स्टिअरिंग लॉक, स्टिअरिंग माउंटेड कंट्रोल आणि क्रूज कंट्रोल यांसारखे फीचर्स आहेत.

8/

याशिवाय, या एसयूव्हीमध्ये अँड्रॉइड ऑटो आणि अॅपल कार-प्लेसोबत 7 इंच टच स्क्रीन इन्फोटेन्मेंट सिस्टिम, 6 बाजूने इलेक्ट्रिकली अॅड्जस्टेबल ड्रायव्हर सीट, कल्टेड लेदर, कनेक्टेड अॅप, साइड व कर्टन एअरबैग्स आणि माइक्रो हाइब्रिड टेक्नॉलॉजी यांसारखे फीचर्सही आहेत.

9/

BS6 इंजिनमध्ये लाँच झाल्यानंतर कंपनीने आधीच्या एन्ट्री लेवल W3 व्हेरिअंटला SUV मॉडेल लाइनअपमधून हटवलं आहे. आता BS6 महिंद्रा XUV500 केवळ डिझेल मॅन्युअल कॉम्बिनेशनमध्येच येते. पुढील वर्षाच्या सुरूवातीला कंपनी नेक्स्ट जनरेशन महिंद्रा XUV500 बाजारात आणण्याची शक्यता आहे.

10/

कपतीनंतर किती आहे नवीन किंमत :- महिंद्राने गेल्या आठवड्यातच आपल्या मिनी-एसयूवी XUV300 च्या किंमतीत 87 हजार 129 रुपयांची कपात केली होती. आता कंपनीने XUV500 ची किंमत कमी केली आहे. एक्सयूव्ही 300 च्या तुलनेत एक्सयूव्ही 500 च्या किंमतीत जास्त कपात केलेली नाही. पण चारही व्हेरिअंटची किंमत आता आधीपेक्षा कमी झाली आहे. आधी BS6 इंजिनमधील XUV500 ची एक्स-शोरुम किंमत 13.13 लाख ते 17.64 लाख रुपये होती. पण आता या एसयूव्हीची किंमत 13.10 लाख ते 17.55 लाख रुपयांदरम्यान झाली आहे. जाणून घेऊया XUV500 च्या सर्व व्हेरिअंट्सची नवीन किंमत : XUV500(W5) : 13.10 लाख रुपये, XUV500(W7): 14.40 लाख रुपये, XUV500 (W9): 16.04 लाख रुपये आणि XUV500 W11(O): 17.54 लाख रुपये. (सर्व एक्स-शोरुम किंमती आहेत, सर्व फोटो – auto.mahindra.com)