-
अनेकदा मोबाइल डेटा आणि इंटरनेटचा कमी स्पीड आपल्यासाठी डोकेदुखी ठरत असतो.
-
-
अनेक देश सध्या ५ जी सेवांकडे वळले आहेत. परंतु भारतात ५ जी सेवांसाठी पायाभूत सुविधा उभारण्यासाठी २०२१ ची वाट पाहावी लागणार आहे.
-
५ जी च्या जगात आपण मध्ये ४ जी वर असून भारत इंटरनेटच्या स्पीडच्या तुलनेत खुप मागे आहे. सौदी अरेबियापासून नेदरलँडसारखे देश या यादीत पहिल्या दहा स्थानावर आहेत.
-
जर कोणत्या देशात ४१४ एमबीपीएसचा इंटरनेटचा स्पीड मिळतोय असं म्हटलं तर? होय हे अगदी खरं आहे. ५ जी इंटरनेट वापरणाऱ्या युझर्सचा अनुभव ओपन सिग्नलनं जाणून घेतला. कंपनीनं चीन सोडून युरोप, मिडल ईस्ट, नॉर्थ अमेरिका या ठिकाणी इंटरनेट स्पीड तपासून त्याचा पहिल्या दहा देशांची यादी तयार केली आहे.
-
ओपन सिग्नलच्या या यादीत पहिल्या क्रमांकावर सौदी अरेबियाचं नाव आहे. सौदी अरेबियामध्ये ४१४.२ एमबीपीएसचा डाउनलोड स्पीड मिळतो.
-
दक्षिण कोरियाला या यादीत दुसरं स्थान देण्यात आलं आहे. दक्षिण कोरियात युझर्सना ३१२.७ एमबीपीएसचा डाउनलोड स्पीड मिळत असल्याचं ओपन सिग्नलनं म्हटलं आहे.
-
तिसऱ्या क्रमांकावर २१५.७ एमबीपीएससह ऑस्ट्रेलियाला स्थान देण्यात आलं आहे.
-
चौथ्या क्रमांकावर तैवान असून या ठिकाणी युझर्सना २१०.२ एमबीपीएसचा स्पीड मिळतो.
-
कॅनडाला ओपन सिग्नलच्या यादीत पाचवं स्थान देण्यात आलं आहे. या ठिकाणी युझर्सना १७८.१ एमबीपीएसचा डाउनलोडींग स्पीड मिळतो.
-
स्वित्झर्लंडला या यादीत सहावं स्थान देण्यात आलं आहे. स्वित्झर्लंडमध्ये युझरला सरासरी १५०.७ एमबीपीएसचा डाउनलोडींग स्पीड मिळतो.
-
स्वित्झर्लंडपाठोपाठ हाँगकाँगचा सातवा क्रमांक येतो. ओपन सिग्नलनुसार हाँगकाँगमध्ये सरासरी १४२.८ एमबीपीएसचा स्पीड मिळतो.
-
युनायटेड किंगडममध्ये युझर्सना सरासरी १३३.५ एमबीपीएसचा डाउनलोडींग स्पीड मिळतो. या यादीत युनायटेड किंगडमला आठवं स्थान देण्यात आलं आहे.
-
या यादीत नवव्या क्रमांकावर जर्मनी आहे. जर्मनीमध्ये युझरला सरासरी १०२ एमबीपीएसचा डाउनलोडींग स्पीड मिळतो.
-
तर दहाव्या क्रमांकावर नेदसलँड आहे. या ठिकाणी युझरला सरासरी ७९ एमबीपीएसचा स्पीड मिळतो. या सर्वांच्या तुलनेत भारतात फिक्स्ड ब्रॉडबँडमध्ये ३० ते ३५ एमबीपीएसचा स्पीड मिळतो.
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
