-
देशातील सर्वात स्वस्त स्कूटर आता महाग झाली आहे. प्रमुख वाहन निर्माता कंपनी TVS Motors ने आपली सर्वात स्वस्त स्कूटर Scooty Pep+ च्या किंमतीत वाढ केली आहे.
-
कंपनीने नुकतीच ही स्कूटर नवीन बीएस-6 इंजिनसह बाजारात उतरवली होती. नवीन अपडेटनंतरही ही स्कूटर देशातील सर्वात स्वस्त स्कूटर ठरली आहे.
-
नवीन TVS Scooty Pep+ निरनिराळ्या रंगांमध्ये बाजारात उपलब्ध आहे. यामध्ये अॅक्वा मॅट, रेव्हिंग रेड, कोरल मॅट, फ्रोस्टेड ब्लॅक, ग्लिटरी गोल्ड, प्रिन्सेस पिंग आणि नॅरो ब्लू असे सात रंगांचे पर्याय आहेत.
-
TVS ने या स्कूटरच्या किंमतीत वाढ करण्याशिवाय अन्य कोणताही मेकॅनिकल बदल केलेला नाही. स्कूटरची किंमत वाढवण्याचं नेमकं कारणही कंपनीकडून सांगण्यात आलेलं नाही.
-
या स्कूटरमध्ये आधीप्रमाणे 87.8cc क्षमतेच्या फ्युअल इंजेक्टेड इंजिनचा वापर करण्यात आला आहे. हे इंजिन 5.36hp ची पॉवर आणि 6.5Nm टॉर्क निर्माण करतं.
-
बीएस-6 मधील नवीन अपडेटनंतर स्कूटरच्या पॉवर आउटपूट आणि टॉर्क दोन्हीमध्ये आधीपेक्षा सुधारणा झाली आहे. याशिवाय यामुळे स्कूटरचा थ्रोटल रिस्पॉन्स आणि मायलेज देखील वाढल्याचा दावा कंपनीने केला आहे.
-
वजन 95 किलोग्रॅम असलेल्या नवीन TVS Scooty Pep मध्ये कंपनीने काही खास फीचर्सही दिले आहेत. यामध्ये साइड स्टँड अलार्म, युटिलिटी स्पेस, चार्जिंग सॉकेट यांसारख्या फीचर्सचा समावेश आहे.
-
याशिवाय सुरक्षेसाठी या स्कूटरमध्ये कंपनीने कॉम्बी ब्रेकिंग सिस्टिमचा वापर केला आहे. दोन्ही चाकांना ड्रम ब्रेक्स देण्यात आले आहेत.
-
आता कंपनीने या स्कूटरच्या सर्व व्हेरिअंटच्या किंमतीत वाढ केली आहे. जवळपास 800 रुपयांची वाढ या स्कूटरच्या किंमतीत करण्यात आली आहे.
-
नवीन किंमत :- नवीन BS6 व्हर्जनमध्ये लाँच करतेवेळी कंपनीने Scooty Pep+ ची बेसिक किंमत 51 हजार 754 रुपये ठेवली होती. तर, टॉप व्हेरिअंटची किंमत 52 हजार 954 होती. आता TVS Motors ने या स्कूटरच्या सर्व व्हेरिअंटच्या किंमतीत जवळपास 800 रुपयांची वाढ केली आहे. त्यामुळे या स्कूटरच्या बेसिक व्हेरिअंटसाठी तुम्हाला आता 52 हजार 554 रुपये आणि टॉप व्हेरिअंटसाठी 53 हजार 754 रुपये मोजावे लागतील. या दोन्ही एक्स-शोरुम किंमती आहेत. (सर्व फोटो – tvsscooty.com )
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
