-
देशातील आघाडीची कार कंपनी टाटा मोटर्सने आपली लोकप्रिय कॉम्पॅक्ट एसयुव्ही Tata Nexon नवीन व्हेरिअंटमध्ये XM(S) लाँच केली आहे.
-
नवीन Nexon XM(S)कंपनीने पेट्रोल आणि डिझेल दोन्ही इंजिन पर्यायामध्ये लाँच केली आहे. मॅन्युअल आणि ऑटोमॅटिक गिअरबॉक्स अशा दोन्ही प्रकारात ही एसयूव्ही उपलब्ध असेल.
-
Nexon XM(S) मध्ये कंपनीने पेट्रोल व्हर्जनमध्ये 1.2 लिटर क्षमतेच्या टर्बोचार्ज्ड रेवोट्रोन इंजिनचा वापर केला आहे. हे इंजिन 118 bhp पॉवर आणि 170 Nm टॉर्क निर्माण करतं.
-
तर, Nexon XM(S)डिझेल इंजिनमध्ये 1.5 लिटर क्षमतेच्या टर्बोचार्ज्ड रेवोट्रोन इंजिन आहे. हे इंजिन 108 bhp पॉवर आणि 260 Nm टॉर्क निर्माण करतं. दोन्ही इंजिनसोबत 6 स्पीड मॅन्युअल आणि ऑटोमेटिक गिअरबॉक्स आहेत.
-
Nexon XM(S)या कॉम्पॅक्ट एसयुव्हीमध्ये कंपनीने इलेक्ट्रिक सनरूफ दिलं आहे. हे फीचर असणारी ही सर्वात स्वस्त एसयुव्ही ठरली आहे. कमी किंमतीत तुम्हाला इलेक्ट्रिक सनरूफची मजा घेता येईल.
-
इलेक्ट्रिक सनरूफशिवाय कंपनीने या एसयुव्हीमध्ये काही नवीन फीचर्सही दिले आहेत. यामध्ये ऑटोमॅटिक प्रोजेक्टर हेडलॅम्प्स आणि रेन सेन्सिंग वायपर्स यांसारख्या काही प्रीमियम फीचर्सचा समावेश आहे. कंपनीने या एसयुव्हीमध्ये कनेक्टिव्हिटीसाठी आपली ConnectNext इन्फोटेन्मेंट सिस्टिम दिली आहे.
-
याशिवाय मल्टी-फंक्शनल स्टीअरिंग व्हील्स, स्टीअरिंग माउंटेड कंट्रोल, इलेक्ट्रॉनिक स्टेबिलिटी प्रोग्राम, LED डे-टाइम रनिंग लाइट्स, प्रोजेक्टर हेडलॅम्प्स, ड्युअल फ्रंट एअरबॅग, रिव्हर्स पार्किंग सेन्सर्स, हील होल्ड कंट्रोल यांसारखे फीचर्स आहेत.
-
इंडियन मार्केटमध्ये Tata Nexon ची टक्कर ह्युंडाई व्हेन्यू, मारुती सुझुकी व्हिटारा ब्रेझा, महिंद्रा XUV300, फोर्ड इकोस्पोर्ट आणि लवकरच लाँच होणाऱ्या किया सोनेटसोबत असणार आहे.
-
टाटा मोटर्स, नेक्सॉनच्या ड्युअल-क्लच ट्रान्समिशन (DCT) व्हेरिअंटवरही काम करत आहे. हे व्हेरिअंट येत्या काही महिन्यांमध्ये लाँच होण्याची शक्यता आहे.
-
किंमत किती:- Tata Nexon च्या नवीन व्हेरिअंटची एक्स-शोरुम किंमत 8.36 लाख रुपये ते 10.30 लाख रुपयांदरम्यान आहे. नेक्सॉन मॅन्युअल व्हर्जनच्या पेट्रोल आणि डिझेल व्हेरिअंटची एक्स-शोरूम किंमत अनुक्रमे 8.36 लाख आणि 9.70 लाख रुपये आहे. तर, ऑटोमेटिक पेट्रोल व्हर्जनची एक्स-शोरुम किंमत 8.96 लाख रुपये आणि ऑटोमेटिक डिझेल व्हेरिअंटची किंमत 10.36 लाख रुपये आहे. या किंमतींवरुन मॅन्युअल पेट्रोल व्हर्जनमीधल Nexon ची किंमत मारुती सुझुकीच्या Vitara Brezza VXI (MT) एक हजारांनी जास्त असल्याचं स्पष्ट होतंय. पण, पेट्रोल ऑटोमेटिक व्हेरिअंटमधील Nexon ची किंमत Vitara Brezza VXI AT पेक्षा जवळपास 79 हजारांनी कमी आहे. याशिवाय Nexon XM(S)मध्ये ब्रेझाच्या तुलनेत काही फीचर्सही जास्त आहेत. Nexon XM(S)या कॉम्पॅक्ट एसयुव्हीमध्ये कंपनीने इलेक्ट्रिक सनरूफ दिलं आहे. हे फीचर असणारी ही सर्वात स्वस्त एसयुव्ही ठरली आहे. (सर्व फोटो :- cars.tatamotors.com )
अमेरिकेत शिकतेय प्रसिद्ध अभिनेत्याची एकुलती एक लेक; म्हणाला, “मी २० तास प्रवास करून गेलो अन् ती…”
