Kia Carnival साठी बंपर ऑफर; मिळेल 2.1 लाख रुपयांपर्यंत डिस्काउंट, 90 दिवसांपर्यंत EMI वरही सूट

1/

दक्षिण कोरियाची दिग्गज कंपनी किया मोटर्सची Kia Carnival ही प्रीमियम MUV खरेदी करण्याची चांगली संधी आहे. ग्राहकांना आकर्षित करण्यासाठी कंपनी या प्रीमियम MUV वर एकूण 2.1 लाख रुपयांपर्यंतचे बेनिफिट्स देत आहे.

2/

कंपनीकडून या गाडीच्या खरेदीवर 46 हजार रुपये कॉर्पोरेट डिस्काउंटची ऑफर आहे. याशिवाय 80 हजार रुपयांपर्यंत एक्स्चेंज बोनस आणि तीन वर्षांपर्यंत 48 हजार रुपयांच्या अनलिमिटेड किलोमीटर मेंटेनेन्स पॅकेजचाही समावेश आहे. तसेच, किया कार्निवलच्या प्रेस्टीज आणि प्रीमियम व्हेरिअंटसोबत 36 हजार 560 रुपयांचे रिअर सीट एंटरटेन्मेंट युनिट देखील देत आहे.

3/

ग्राहकांना ही कार खरेदी करणं सोपं जावं यासाठी कंपनीने तीन खास ईएमआय स्कीम्स देखील आणल्या आहेत. अशाच एका स्कीममध्ये ईएमआय 'हॉलिडे प्लॅन' आहे. याअंतर्गत ही कार खरेदी करणाऱ्या ग्राहकांना पहिला ईएमआय भरण्यासाठी 90 दिवसांची सूट मिळते. करोना महामारीच्या संकटामुळे ज्यांच्या खिशावर ताण आलाय पण कारही खरेदी करायची आहे अशांसाठी ही ऑफर चांगली आहे.

4/

याशिवाय कंपनीकडे 'फ्लेक्सिबल ईएमआय'चा पर्यायही आहे. फ्लेक्सिबल ईएमआयच्या पर्यायासह कंपनी ग्राहकांना दरवर्षी तीन ईएमआय 50 टक्क्यांपर्यंत कमी करण्याची सुविधाही देत आहे. याद्वारे जेव्हा पैशांची चणचण असते तेव्हाही ग्राहकांना ईएमआय भरताना समस्या होऊ नये असा कंपनीचा प्रयत्न आहे.

5/

कंपनीकडे आकर्षक ईएमआयसाठी तिसरी स्कीम देखील आहे. यामध्ये युजर्सना 'लो-ईएमआय प्लॅन'चा पर्याय मिळतो. यामध्ये कंपनी पहिल्या 6 महिन्यांसाठी प्रति एक लाख रुपयांवर 767 रुपये ईएमआय ऑफर देत आहे. सध्या पैशांची समस्या भेडसावत असलेल्यांना या ईएमआय स्कीमद्वारे आकर्षित करण्याचा कंपनीचा प्रयत्न आहे.

6/

लॉकडाउनमुळे किया कार्निवलच्या विक्रीमध्ये घट झाली आहे. ही कार कंपनीने ऑटो एक्स्पो 2020 मध्ये लाँच केली होती आणि पहिल्याच दिवशी 1400 जणांनी या कारसाठी बुकिंग केली होती. पण, लॉकडाउनमध्ये गाडीच्या विक्रीमध्ये घट झाली आहे.

7/

लॉकडाउनमुळे एप्रिल महिन्यात एकाही गाडीची विक्री झाली नाही. तर, मे महिन्यात 50 पेक्षा जास्त किया कार्निवलची विक्री झाली. त्यानंतर जून महिन्यापासून विक्रीमध्ये थोडी सुधारणा झाली आहे. जूनमध्ये कंपनीने 161, जुलैमध्ये 232 आणि ऑगस्टमध्ये 198 किया कार्निवल विकल्या आहेत.

8/

स्लायडिंग दरवाजे असल्याने ही एमयूव्ही काही प्रमाणात मिनी व्हॅनसारखी वाटते. तर, कारच्या पुढच्या बाजूला किया सिग्नेचर ग्रिल आहे.

9/

काही देशांमध्ये या एमयूव्हीला सेडोना या नावानेही ओळखले जाते.

10/

भारतीय बाजारात इंजिनच्या तीन प्रकारांमध्ये Kia Carnival ही MUV उपलब्ध आहे.

11/

या एमयूव्हीमध्ये बीएस6 उत्सर्जन मानकांची पूर्तता करणारं '2.2 लिटर 4 सिलिंडर टर्बोचार्ज्ड डिझेल इंजिन' आहे. हे इंजिन 202 एचपी पॉवर आणि 441 एनएम टॉर्क निर्माण करतं. यासोबतच 6 स्पीड ऑटोमॅटिक ट्रान्समिशनही आहे.

12/

ही एमयूव्ही '3.5 लिटर एमपीआय व्ही 6 पेट्रोल इंजिन'मध्येही उपलब्ध आहे. हे इंजिन 268 बीएचपी पॉवर आणि 332 एनएम टॉर्क निर्माण करतं. तर, '3.5-लिटर जीडीआय व्ही6 पेट्रोल इंजिन'मध्येही कार्निवल येते. हे इंजिन 290 बीएचपी पॉवर आणि 355 एनएम पीक टॉर्क निर्माण करतं.

13/

ही MUV प्रकारातील कार भारतात 265 टचपॉइंट्सवर विक्रीसाठी उपलब्ध आहे. बाजारात इनोव्हा क्रिस्टाला टक्कर देणारी ही कार आहे. ही कार म्हणजे इनोव्हाचा प्रीमियम पर्याय असल्याचंही म्हटलं जातं.

14/

किया मोटर्सच्या भारतीय बाजारात सेल्टॉस आणि कार्निवल या दोन गाड्या आधीपासूनच आहेत. तर येत्या १८ सप्टेंबर रोजी सोनेट ही कंपनीची नवीन सब-कॉम्पॅक्ट एसयुव्ही लाँच होत आहे. ही कंपनीची भारतातील तिसरी एसयुव्ही असेल. पण पहिल्यांदाच कंपनीकडून आपल्या एखाद्या कारवर ग्राहकांना अशाप्रकारे डिस्काउंट दिलं जात आहे.

15/

किया कार्निवल भारतात तीन व्हेरिअंटमध्ये – (प्रीमियम, प्रेस्टीज आणि लीमोजिन) येते. या एमयूव्हीची एक्स-शोरुम किंमत 24.95 लाख रुपये ते 33.95 लाख रुपयांदरम्यान आहे. या कारसाठी ग्राहकांना 7 सीटर (स्टँडर्ड), 8 सीटर (केवळ प्रीमियम ट्रिमसोबत) आणि 9 सीटर (केवळ प्रेस्टीज ट्रिमसोबत) पर्याय आहेत. इनोव्हा क्रिस्टाच्या तुलनेत किया कार्निवल बरीच मोठी आणि फीचर्सच्या बाबतीतही अग्रेसर आहे.