-
मुंबई शहरापासून हाकेच्या अंतरावर असलेली कल्याण, डोंबिवली शहरे परवडणाऱ्या घरांसाठी प्रसिद्ध आहेत. नवीन घर खरेदी करण्याचा विचार असेल तर कल्याण-डोंबिवलीमध्ये स्वस्तात घर खरेदी करण्याची ही योग्य वेळ आहे. (प्रातिनिधिक छायाचित्र)
-
गेल्या काही दिवसांपासून सुरू असलेल्या करोनाच्या संकटामुळे गृह विक्रीचा व्यवसाय ठप्प झाला आहे. त्यामुळे या व्यवसायाला गती देण्यासाठी राज्य शासनाने मार्चपर्यंत मुद्रांक शुल्कात कपात करण्याचा निर्णय घेतला आहे. (प्रातिनिधिक छायाचित्र)
-
राज्य शासनाने रिअल इस्टेट व्यवसायाला संजीवनी देण्यासाठी स्टॅम्प ड्युटीमध्ये तीन टक्के सवलत दिल्यानंतर महाराष्ट्र चेंबर्स ऑफ हाऊसिंग फेडरेशनच्या (एमसीएचआय) कल्याण विभागाने कल्याण-डोंबिवली शहरात घर खरेदी करणाऱ्यांसाठी ‘शून्य टक्के मुद्रांक शुल्क योजना’ सुरू केली आहे. (प्रातिनिधिक छायाचित्र)
-
यानुसार, घरखरेदी करणाऱ्यांना १०० टक्के स्टॅम्प ड्युटी माफ करण्याचा निर्णय जाहीर करण्यात आला आहे. नवे घर खरेदी करणाऱ्यांकडून स्टॅम्प ड्युटी आकारली जाणार नसल्याने ग्राहकांचा मोठा फायदा होणार आहे. (प्रातिनिधिक छायाचित्र)
-
‘शून्य टक्के मुद्रांक शुल्क योजने’अंतर्गत ३१ ऑक्टोबरपर्यंत ग्राहकांकडून शासन धोरणाप्रमाणे तीन टक्के मुद्रांक शुल्क न आकारता हे शुल्क थेट विकासकांकडून भरण्यात येणार आहे. (प्रातिनिधिक छायाचित्र)
-
कल्याण-डोंबिवली शहरात सुमारे ५० विकासकांचे ७५ मोठे प्रकल्प सुरू असून विकासकांकडून ही सवलत दिली जाणार असल्यामुळे ग्राहकांसाठी ही घरखरेदीची नामी संधी ठरणार आहे. (प्रातिनिधिक छायाचित्र)
-
शून्य टक्के मुद्रांक शुल्क योजनेमुळे कल्याण, डोंबिवली परिसरात घर खरेदी करणाऱ्या ग्राहकाची फुटामागे ५०० ते ६०० रुपयांनी बचत होणार आहे. (प्रातिनिधिक छायाचित्र)
-
३१ ऑक्टोबरपर्यंत जे ग्राहक घराची खरेदी करतील त्यांनाच ही सवलत मिळणार असल्यामुळे परवडणारी घरे खरेदी करणाऱ्या ग्राहकांना दोन ते तीन लाखांचा फायदा होणार आहे. महाराष्ट्र चेंबर्स ऑफ हाऊसिंग फेडरेशनच्या नोंदणीकृत प्रकल्पामध्ये घर खरेदी केल्यास ग्राहकांचे संपूर्ण नोंदणी शुल्क विकासक भरणार आहेत. (प्रातिनिधिक छायाचित्र)
-
लॉकडाउनचा फटका रिअल इस्टेट व्यवसायाला बसला आहे. मात्र, सध्याच्या अनलॉकमध्ये पुन्हा नव्या घरांच्या मागणीत वाढ झाली आहे. ही मागणी १० ते १५ टक्क्यांनी वाढली आहे. त्यामुळे नवे घर खरेदी करणाऱ्यांना झीरो स्टॅम्पड्युटी योजनेचा लाभ होणार आहे, अशी माहिती ‘एमसीएचआय’चे कल्याण विभागाचे अध्यक्ष आणि विकासक श्रीकांत शितोळे यांनी दिली. (प्रातिनिधिक छायाचित्र)
-
अधिकाधिक ग्राहकांनी स्वस्तात घर खरेदी करण्याच्या या संधीचा फायदा घ्यावा, असं आवाहन ‘एमसीएचआय’कडून करण्यात आलं आहे. (प्रातिनिधिक छायाचित्र)
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
