-
Royal Enfield ची क्रेझ ही अनेकांना असतं. आपल्याकडे Royal Enfield ची बाईक असावी हे अनेकांचं स्वप्नही असतं. गेली अनेक वर्ष भारतात आपल्या बाईक्सचं उत्पादन करणारी कंपनी Royal Enfield आता पहिल्यांदा भारताबाहेर असेंबली युनिट स्थापन करणार आहे. (सर्व फोटो – संग्रहित)
-
अर्जेटिनामधील ब्यूनस आयर्समध्ये आपलं असेंबलिंग युनिट सुरू करणार असल्याचं कंपनीकडून सांगण्यात आलं आहे.
-
ग्रुपो सिंपा यांच्यासोबत भागीदारी करत Royal Enfield परदेशात आपलं युनिट सुरू करणार आहे.
-
ग्रुपो सिंपा २०१८ पासून Royal Enfield चा स्थानिक डिस्ट्रिब्युटर आहे. याच महिन्यापासून कंपनी आपल्या बाईक्सचं असेंबलिंग सुरू करणार आहे.
-
सध्या Royal Enfield चेन्नईमधील आपल्या प्रकल्पात बाईक्सचं उत्पादन करत आहे. Royal Enfield पहिल्यांदाच भारताबाहेर आपल्या बाईक्स असेंबल करणार आहे.
-
ग्रुपो सिंपाच्या फॅसिलिटीमध्ये हे असेंबलिंग युनिट सुरू करण्यात येणार आहे.
-
सुरूवातीला या प्रकल्पात हिमालयन, इंटरसेप्टर ६५० आणि कॉन्टीनेन्टल जीटी ६५० या बाईक्सचं असेंबलिंग केलं जाणार आहे.
-
अर्जेंटिना लॅटिन अमेरिकेतील मिड साईज बाईक्ससाठी सर्वात मोठी बाजारपेठ आहे.
-
Royal Enfield नं २०१८ मध्ये अर्जेंटिनामध्ये रिटेल व्यवसायाला सुरूवात केली होती. कंपनीनं ब्यूनस आयर्समधील विन्सेंट लोपेझमध्ये आपलं पहिलं शोरूम सुरू केलं होतं.
-
लॅटिन अमेरिकेच्या देशांमध्ये कंपनीचे एकूण ३१ एक्सक्लुसिव्ह स्टोअर्स आणि ४० अन्य रिटेल टचपॉईंट्स आहेत.
-
कंपनी ग्लोबली मिडलवेट मोटरसायकल सेगमेंटमध्ये पुढे जाणं आणि वर्चस्व स्थापित करण्याच्या दृष्टीनं प्रयत्न करत असल्याचे कंपनीचे मुख्य कार्यकारी अधिकारी विनोद दसारी यांनी सांगितलं.
-
गेल्या काही वर्षांमध्ये आंतरराष्ट्रीय बाजारात ओळख मिळण्यात कंपनीला यश आलं आहे आणि आता ६० देशांमध्ये कंपनीचा रिटेल व्यवसाय असल्याचं त्यांनी नमूद केलं.
-
वाढती मागणी आणि बाजारातील संधी मिळवण्यासाठी कंपनीन एशिया पॅरिफिक रिजन आणि दक्षिण अमेरिकेतील महत्त्वपूर्ण ठिकाणी आपलं असेंबली युनिट सुरू करण्याची योजना आखत आहे. अर्जेंटिनामध्ये यातील पहिलं युनिट असेल, असंही दसारी म्हणाले.
-
अर्जेंटिनामध्ये Royal Enfield नं आपल्या बाईक्सची विक्री सुरू केली आहे तेव्हापासून ग्राहकांकडून उत्तम प्रतिसाद मिळत आहे.
-
ब्राझील, अर्जेंटिना आणि कोलंबिया या Royal Enfield साठी महत्तपूर्ण बाजारपेठा असल्याचंही त्यांनी नमूद केलं.
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
