-
काही दिवसांपूर्वी सुरक्षेच्या कारणास्तव काही चिनी अॅप बंद करण्याचा निर्णय सरकारनं घेतला. यामध्ये भारतात लोकप्रिय असेलेल्या टिकटॉकचाही समावेश होता.
-
देशात टिकटॉक बॅन झाल्यानंतर त्याच्यासारखीच अनेक शॉर्ट व्हिडीओ प्लॅटफॉर्म लाँच करण्यात आले. आता गूगलनंही यात उडी घेतली असून आपलं नवं शॉर्ट व्हिडीओ अॅप लाँच केलं आहे.
-
यूट्यूबनं आपलं नवं अॅप शॉर्ट्स भारतात लाँच केलं आहे. सध्या युझर्ससाठी उपलब्ध असलेल्या सर्व अ‍ॅपना हे अॅप टक्कर देईल, अशी शक्यता वर्तवण्यात येत आहे.
-
सर्वप्रथम हे अॅप भारतात लाँच होणार आहे. त्यानंतर अन्य देशांमध्ये हे अॅप लाँच केलं जाईल. यामध्ये १५ सेकंदांचा व्हिडीओ तयार करून तो शेअर करण्याचा पर्याय उपलब्ध असेल.
-
आपण युट्यूब शॉर्ट हे अॅप लाँच करण्यास उत्सुक आहोत. तसंच हा युट्यूबवरी शॉर्ट फॉर्म एक्सपिरिअन्स असेल. ज्याच्या मदतीनं आपल्या मोबाईलवर छोट्या कालावधीचे व्हिडीओ शूट करता येतील असं कंपनीनं म्हटलं आहे.
-
येत्या काही दिवसांमध्ये युट्यूब शॉर्ट्स हे बीटा फॉर्ममध्ये उपलब्ध होणार आहे. काही वेळ त्याची चाचणी झाल्यानंतर त्याचं स्टेबल व्हर्जन रिलीज केलं जाईल.
-
बीटा व्हर्जनमध्ये काही ठराविकच फीचर्स असतील. बाकी अन्य फीचर्स स्टेबल फॉर्ममधील अ‍ॅपमध्ये लाँच केले जाणार आहेत.
-
येत्या काही दिवसांमध्ये यात अन्य फीचर्स अ‍ॅड केले जाणार असून अन्य देशांमध्येही याचा विस्तार केला जाईल, असं कंपनीनं म्हटलं आहे.
-
युट्यूब शॉर्ट्स ही टिकटॉकप्रमाणेच असणार आहे.
-
यामध्ये म्युझिक, स्पीड कंट्रोल, टायमर, मल्टी सेगमेंट कॅमेरा असे अनेक फिचर्सदेखील असतील.
अमेरिकेत शिकतेय प्रसिद्ध अभिनेत्याची एकुलती एक लेक; म्हणाला, “मी २० तास प्रवास करून गेलो अन् ती…”
