-
बऱ्याच प्रतीक्षेनंतर, कियाने ६.७१ लाख रुपयांच्या प्रारंभिक किमतीला भारतात ‘सोनेट’ हे तिचे पहिले छोटेखानी एसयूव्ही श्रेणीतील वाहन शुक्रवारी बाजारात आणले. (सर्व फोटो – किया सोनेट वेबसाईट)
-
या अनावरणाचे वैशिष्टय़ म्हणजे जागतिक बाजारपेठेसाठी विकसित हे किया मोटर्स इंडियाचे भारतातच घडविलेले वाहन आहे.
-
छोटेखानी अर्थात कॉम्पॅक्ट एसयूव्ही श्रेणीत पहिले डिझेलवरील सिक्स-स्पीड स्वयंचलित आणि बुद्धिमान मॅन्युअल ट्रान्समिशनचा (आयएमटी) अंतर्भाव हे सोनेटचे वैशिष्ट्य आहे.
-
या शिवाय अनेक वैशिष्टय़पूर्ण गोष्टी जसे १०.२५ इंच असे या श्रेणीतील सर्वात मोठे एचडी टचस्क्रीन दिशादर्शन आणि रस्त्यावरील रहदारीची अद्ययावत माहिती देणारी प्रणाली यात देण्यात आली आहे.
-
बोसची सात ध्वनिवर्धकांचा समावेश असलेली प्रणाली. एलईडी साऊंड मूड लाइट्स, हवेशीर आणि ऐसपैस आसन रचना (३९२ लिटरचे बूट स्पेस), वायरलेस स्मार्टफोन चार्जरसह कूलिंग फंक्शनही सोनेटमध्ये देण्यात आले आहेत.
-
वाहनातील सर्वाच्या सुरक्षिततेची काळजीही योग्यरित्या सोनेटमध्ये घेण्यात आली आहे. सुरक्षिततेसाठी सहा एअरबॅग्ज यात आहेत.
-
कंपनीने आतापर्यंत सोनेटसाठी २५,००० हून अधिक बुकिंग्जद्वारे उत्साहवर्धक मागणी नोंदविली आहे, अशी किया मोटर्स इंडियाचे व्यवस्थापकीय संचालक व मुख्य कार्यकारी अधिकारी कूखयून शिम यांनी माहिती दिली.
-
सोनेटची निर्मिती आंध्रप्रदेशमधील अनंतपूर येथील कंपनीच्या अत्याधुनिक उत्पादन केंद्रातून करण्यात आली आहे.
-
विशेष म्हणजे भारतातूनच ही कार जगभरातील अन्य देशांमध्ये एक्स्पोर्ट केली जाणार आहे.
-
वार्षिक ३,००,००० उत्पादन क्षमतेमुळे भारतीय तसेच आंतरराष्ट्रीय ग्राहकांकडून सोनेटसाठी येणाऱ्या वाढत्या मागणीची यातून सुलभपणे पूर्तता करता येईल, असा विश्वास शिम यांनी व्यक्त केला.
-
कंपनीने सोनेट ही एक कनेक्टेड कार म्हणून सादर केली आहे. यात iMT आणि व्हायरस प्रोटेक्शनसारखे हायटेक फीचर्स आहेत. या कारला खास भारतासाठी डिझाईन केल्याचे कंपनीने म्हटले होते.
-
सोनेटमध्येही सेल्टॉसप्रमाणे UVO कनेक्टेड टेक्नोलॉजी आहे. याद्वारे अनेक कनेक्टेड फीचर्स मिळतात. किया सोनेटमध्ये ५७ कनेक्टेड फीचर्स आहेत.
-
कियाने ही एसयूव्ही इंजिनच्या तीन प्रकारांमध्ये सादर केली आहे. यातील दोन पेट्रोल इंजिन (१.२ लिटर आणि १.० लीटर टर्बो जीडीआय) आहेत. तर, तिसरं डिझेल इंजिन( १.५ लिटर टर्बो) असेल. या कॉम्पॅक्ट एसयूव्हीमध्ये ५ स्पीड मॅन्युअल, सिक्स स्पीड मॅन्युअल, ६ स्पीड AT आणि ६ स्पीड iMT चे पर्याय मिळतील.
-
-
कंपनीच्या अधिकृत वेबसाइट किंवा किया मोटर्सच्या डीलरशिपमध्ये ग्राहक २५ हजार रुपयांमध्ये ही कॉम्पॅक्ट एसयूव्ही बूक करु शकतात.
अमेरिकेत शिकतेय प्रसिद्ध अभिनेत्याची एकुलती एक लेक; म्हणाला, “मी २० तास प्रवास करून गेलो अन् ती…”
