-
केवळ एका रूपयांत आपली आवडती बाईक किंवा स्कूटर बूक करण्याची संधी एका बँकेनं दिली आहे. जर तुम्ही डेबिट कार्ड वापरत असाल आणि तुम्हाला बाईक, स्कूटर घ्यायची असेल तर ही अनोखी संधी आहे. (सर्व फोटो – संग्रहित)
-
बँकेनं आपल्या ग्राहकांना हीरो मोटोकॉर्प, होंडा मोटरसायकल आणि टिव्हीएस मोटर्सच्या देशभरातील ९४७ शोरूम्समधून १ रूपया भरून आवडती बाईक किंवा स्कूटर खरेदी करण्याची संधी दिली आहे.
-
या सुविधेचा लाभ फेडरल बँकेच्या ग्राहकांना घेता येणार आहे.
-
फेडरल बँकेचे ग्राहक डेबिट कार्डवर ईएमआयद्वारे बाईक, स्कूटर खरेदी करू शकतात. तसंच यासाठी कोणत्याही प्रकारचं पेपरवर्क किंवा त्यासाठी अन्य ठिकाणी जाण्याची गरजही भासणार नसल्याचं बँकेनं म्हटलं आहे.
-
ही संपूर्ण प्रकारे ऑनलाइन प्रक्रिया असेल. तसंच ग्राहकांना ईएमआयद्वारे पैसे परत करण्यासाठी तीन, सहा, नऊ आणि बारा महिन्यांचा कालावधी मिळणार आहे.
-
यापैकी एक कालावधी ग्राहकाला निवडावा लागणार असून या योजनेअंतर्गत घेण्यात आलेल्या कर्जावर कोणत्याही प्रकारची प्रोसेसिंग फीदेखील आकारली जाणार नसल्याचं बँकेनं म्हटलं आहे.
-
फेडरल बँकेच्या ग्राहकांना DC – स्‍पेस- EMI असं लिहून ‘5676762’ वर SMS करावा लागेल. त्यानंतर संबंधित ग्राहक या ऑफरसाठी पात्र आहे किंवा नाही याची माहिती मिळेल. तसंच ‘7812900900’ या क्रमांकावर मिस्ड कॉल देऊनदेखील ग्राहकांना ही माहिती घेता येईल.
-
फेडरल बँकेच्या ग्राहकांना होंडाच्या मोटरसायकल अथवा स्कूटर घेतल्यावर त्यावर फेस्टिव्ह ऑफर अंतर्गत ५ टक्क्यांपर्यंत कॅशबॅकही मिळेल.
-
यासाठी कमीतकमी खरेदी किंमत ३० हजारांपर्यंत असणं आवश्यक आहे. तसंच एका कार्डावर सर्वाधिक ५ हजारांचा कॅशबँक देण्यात येणार आहे.
-
फेडरल बँकेनं नुकतीच अॅमेझॉन आणि फ्लिपकार्टच्या ग्राहकांसाठी खरेदी वर ईएमआयची सुविधाही आणली आहे. ग्राहकांना आपल्या डेबिट कार्डावरही बँकेनं ईएमआयची सुविधा दिली आहे.
अमेरिकेत शिकतेय प्रसिद्ध अभिनेत्याची एकुलती एक लेक; म्हणाला, “मी २० तास प्रवास करून गेलो अन् ती…”
