नवीन वर्षात घ्या नवी 7 Seater Car… ‘या’ आहेत भारतातील पाच सर्वात स्वस्त ऐसपैस गाड्या; ३.८० लाखांच्या रेंजपासून उपलब्ध

1/16

भारतीय बाजारपेठांमध्ये सध्या स्वस्त आणि आकाराने मोठ्या असणाऱ्या चारचाकी गाड्यांची मागणी वाढताना दिसत आहे. सध्या बाजारामध्ये अशा अनेक चारचाकी गाड्या आहेत ज्या अगदी परवडणाऱ्या किंमतीमध्ये सुटसुटीत जागा आणि जास्त सीटिंग कपॅसिटी देतात. तुम्ही अशीच एकादी गाडी शोधत असला तर तुमच्यासाठी ही गॅलरी नक्कीच फायद्याची ठरु शकतो. या गॅलरीमध्ये आपण सध्या देशात उपलब्ध असणाऱ्या स्वस्तात मस्त प्रकराच्या सेव्हन सीटर गाड्यांबद्दल जाणून घेणार आहोत. 

2/16

महिंद्रा बोलेरो (Mahindra Bolero) : गाड्यांच्या या रेंजमध्ये महिंद्रा बोलेरो खूपच लोकप्रिय आहे. अगदी मोठ्या शहरांपासून ते गावाखेड्यांपर्यंत या गाडीची ख्याती आहे. इंजिनची दमदार क्षमता, उत्तर स्पेस आणि ऐसपैस बसण्यासाठी जागा या खास वैशिष्ट्यांसाठी ही गाडी ओळखली जाते. 

3/16

बोलेरोमध्ये १.५ लीटर क्षमतेचं इंजिन आहे. हे इंजिन ७५ पीएस पॉवर आणि २१० एनएमचा टॉर्क देतं. यामध्ये कीलेस एन्ट्री, डिजिटल इन्स्ट्यूमेंट क्लस्टर, ब्लूटूथ इनबिल्ड म्यूझिक सिस्टीम, एसी, पॉवर स्टेअरिंग, अ‍ॅण्टी लॉक ब्रेकिंग सिस्टीम, ड्युएल फ्रण्ट एअरबँग, रेअर पार्किंग सेन्सर्स आणि स्पीड अलर्टसारखे फिचर्स या गाडीमध्ये आहेत.

4/16

महिंद्रा बोलेरोची किंमत ७.६४ लाख ते ९.०१ लाखांच्या दरम्यान आहे. या गाडीचे मायलेज २० किमी प्रती लीटर इतकं आहे.

5/16

मारुती एर्टिगा (Maruti Ertiga) : देशातील आघाडीची ऑटोमोबाइल कंपनी मारुती सुझुकीची लोकप्रिय एमपीव्ही (मल्टी पर्पज व्हेइकल) गाडी म्हणून एर्टिगाकडे पाहिलं जातं. या गाडीमध्ये अधिक शक्तीशाली इंजिन देत नव्याने ती पुन्हा बाजारात उतरवण्यात आली आहे. कंपनीने या गाडीच्या इंजिनची क्षमाता १.५ लीटर केली आहे. हे इंजिन १०५ पीएस पॉवर आणि १३८ एनएमचा टॉर्क देतं. 

6/16

एर्टिगा फाइव्ह स्पीड मॅन्युअल गेअर्स आणि फोर स्पीड ऑटोमॅटिक गेअरबॉक्ससहित येते. त्याचबरोबर या गाडीचे सीएनजी मॉडेलही बाजारामध्ये उपलब्ध आहे. कंपनीने गाडीमध्ये काही खास फिचर्स दिले आहेत यामध्ये प्रोजेक्टर हेडलॅम्प, सात इंचाचां इन्फोटेन्मेंट सिस्टीम, पूश बटन सार्ट स्टॉप, ऑटो क्लायमेट कंट्रोल, अ‍ॅण्टी लॉक ब्रेकिंग सिस्टीम, आइसोफिक्स चाइल्ड लॉकचा समावेश आहे. 

7/16

मारुती एर्टिगाची किंमत ७.५९ लाख ते १०.१३ लाखांच्या दरम्यान आहे. या गाडीचे पेट्रोल मॉडेल १७.९९ किमी प्रती लीटरचे तर सीएनजी मॉडेल २६.०८ किमी प्रती लीटरचे मायलेज देते.

8/16

रेनॉल्ट ट्रायबर (Renault Triber) : भारतीय बाजारात एमपीव्ही(मल्टी पर्पज व्हेइकल) सेगमेंटमधील आणखीन एक लोकप्रिय गाडी म्हणजे रेनॉल्ट ट्रायबर. स्वस्तात मस्त सेव्हन सीटर गाडीच्या शोधात असणाऱ्यांसाठी ही गाडी चांगला पर्याय ठरु शकते. या गाडीचं इंजिन एक लीटर क्षमतेचे असून हे इंजिन ७२ पीएस पॉवर आणि ९६ एनएमचा टॉर्क देतं. 

9/16

रेनॉल्ट ट्रायबरमध्ये फ्रण्ट एअरबँग, अ‍ॅण्टी लॉक ब्रेकिंग सिस्टीम, रेअर पार्किंग सेन्सॉर्स, ८ इंचांचा टचस्क्रीन इन्फोटेन्मेंट सिस्टीम, तिसऱ्या रांगेतील आसनांसाठी खास एसी फिचर असा सुविधा देण्यात आल्या. या गाडीच्या तिसऱ्या रांगेतील आसनं ही डिटॅचेबल आहेत. म्हणजेच गरज नसतानाही ही आसनं हटवता येतात.

10/16

रेनॉल्ट ट्रायबरची किंमत ५.१२ लाख ते ७.३४ लाखांच्या दरम्यान आहे. या गाडीचे मायलेज २० किमी प्रती लीटर इतकं आहे.

11/16

डॅटसन गो प्लस (Datsun Go Plus) : निस्सानची नाममुद्रा असलेली डॅटसन गो प्लस ही भारतामधील सर्वात स्वस्त एमपीव्ही (मल्टी पर्पज व्हेइकल) स्तरावरील गाड्यांमधील एक आहे. नुकतचं कंपनीने या गाडीतील इंजिनची क्षमता वाढवून तिला नव्याने बाजारात आणलं आहे. गाडीच्या इंजिनची क्षमता १.२ लीटर आहे. गाडीत तीन सिलेंडर पेट्रोल इंजिनचा वापर करण्यात आलाय.

12/16

डॅटसन गो प्लसमध्ये फाइव्ह स्पीड गेअरबॉक्स आहे. मॅन्युअल गेअरबॉक्सबरोबर हे इंजिन ६८ पीएसची शक्ती आणि सीटीव्ही गेअरबॉक्ससोबत ७७ पीएस शक्ती निर्माण करतं. या गाडीमध्ये कंपनीने सात इंचांची टचस्क्रीन इन्फोटेन्मेंट सिस्टीम, १४ इंची एलॉय व्हिल्स, रेअर पार्कींग सेन्सॉर्स, अ‍ॅण्टी लॉक ब्रेकिंग सिस्टीम, ड्युएल फ्रण्ट एअरबँग्ससारखे फिचर्स दिलेत. 

13/16

डॅटसन गो प्लस या सेव्हन सीटर कारची किंमत ४.१९ लाख ते ६.८९ लाखांच्या दरम्यान आहे. या गाडीचे मायलेज १९ किमी प्रती लीटर इतकं आहे.

14/16

मारुती इको (Maruti Eeco) : मारुती इको ही या सेगमेंटमधील सर्वाधिक विक्री होणाऱ्या गाड्यांपैकी आहे. नुकतेच या गाडीचं बीएस सिक्स इंजिनचे मॉडेल बाजारात उतरवण्यात आलं आहे. गाडीमध्ये १.२ लीटरचं इंजिन आहे. हे इंजिन ७३ पीएस पॉवर आणि ९८ एनएमचा टॉर्क देतं. 

15/16

मारुती इकोमध्ये टू व्हील ड्राइव्हचा वापर करण्यात आला आहे. या गाडीत साइड एअरबँग्स, अ‍ॅण्टी लॉक ब्रेकिंग सिस्टीम, इलेक्ट्रॉनिक ब्रेकफोर्स डिस्ट्रीब्युशन, सिस्टीम, सीट बेल्ट रिमाइण्डर, स्पीड अलर्ट आणि रेअर पार्किंगसारख्या फिचर्स देण्यात आलेत. 

16/16

मारुती इकोची किंमत ३.८० लाख ते ४.९५ लाखांच्या दरम्यान आहे. या गाडीचे मायलेज १६.११ किमी प्रती लीटर इतकं आहे.