किंमत मारुतीच्या Brezza पेक्षा 2.35 लाखांनी कमी, सर्वात स्वस्त SUV च्या डिलिव्हरीला अखेर सुरूवात

1/15

डिसेंबर महिन्याच्या सुरूवातीला (दि.२ डिसेंबर) भारताच्या ऑटो सेक्टरमध्ये एक नवीन सब-कॉम्पॅक्ट एसयूव्ही लाँच झाली. शानदार फिचर्स तेही स्वस्त आणि परवडणाऱ्या किंमतीत मिळत असल्याने या एसयूव्हीबाबत चांगलीच क्रेझ पहायला मिळत आहे. त्यातही ३१ डिसेंबरपर्यंत ही एसयूव्ही स्वस्तात उपलब्ध आहे. त्यानंतर मात्र गाडीच्या किंमतीत ५५ हजारांनी वाढ होणार आहे, त्यामुळे ग्राहकांचा ही कार खरेदी करण्याकडे कल वाढलाय.

2/15

जपानची ऑटोमोबाइल कंपनी 'निसान'ने डिसेंबरच्या पहिल्या आठवड्यात Nissan Magnite ही नवीन सब कॉम्पॅक्ट एसयूव्ही भारतात लाँच केली. यासोबतच ही भारताच्या कॉम्पॅक्ट एसयूव्ही श्रेणीतील सर्वात स्वस्त एसयूव्ही ठरली.

3/15

कमी किंमतीत शानदार फिचर्स असलेल्या या एसयूव्हीबाबत किती क्रेझ आहे याचा अंदाज यावरुनच लावता येऊ शकतो की, लाँच झाल्यानंतर अवघ्या पाच दिवसांमध्ये Nissan Magnite साठी 5,000 पेक्षा जास्त जणांनी बूकिंग केली होती. तर, अवघ्या पाच दिवसांमध्येच या एसयूव्हीबाबत 50,000 पेक्षा जास्त जणांनी चौकशी केली होती. आता हा बूकिंगचा आकडा १५ हजारांपार पोहोचला आहे.

4/15

इतक्या मोठ्या प्रमाणात ग्राहकांकडून प्रतिसाद मिळाल्याने या कारसाठी ग्राहकांना मात्र वाट बघावी लागणार आहे. कंपनीने दोन दिवसांपूर्वीच ही कार ग्राहकांपर्यंत पोहोचवण्यास सुरूवात केली आहे. पण वेटिंग पिरेडमध्ये सातत्याने वाढ होत आहे. सध्या या गाडीसाठी ग्राहकांना ८-९ महिन्यांचा 'वेटिंग पिरेड' सांगितला जातोय.

5/15

Nissan Magnite च्या बेसिक XE व्हेरिअंटसाठी ग्राहकांना 32 आठवडे म्हणजे आठ महिने, Turbo XV Premium (O) या व्हेरिअंटसाठी 28 आठवडे म्हणजे सात महिने, Turbo XV व्हेरिअंटसाठी 26 आठवडे आणि Turbo XL व्हेरिअंटसाठी 24 आठवड्यांचा 'वेटिंग पिरेड' आहे.

6/15

40 टक्क्यांपेक्षा जास्त ग्राहकांनी ऑनलाइन किंवा डिजिटल चॅनेलद्वारे या एसयूव्हीसाठी बूकिंग केली. या कारमध्ये 20+ फर्स्ट इन सेगमेंट आणि बेस्ट इन क्लास फिचर्स असल्याचा कंपनीचा दावा असून कमी किंमतीत मिळणारे हे फिचर्स ग्राहकांना आकर्षित करण्यासाठी खूप आहेत असं कंपनीने म्हटलं आहे.

7/15

'निसान इंडिया'च्या अधिकृत वेबसाइटवरुन अवघ्या 11 हजार रुपयांच्या टोकन अमाउंटवर Magnite ची बूकिंग सुरू आहे.

8/15

कंपनीने निसान एसयूव्हीसाठी इंजिनचे दोन पर्याय दिलेत. यात एक नॅचरली एस्पिरिटेड पेट्रोल इंजिन आणि एक टर्बोचार्ज्ड पेट्रोल इंजिनचा समावेश आहे.

9/15

यातील पहिलं B4D नॅचुरली एस्पिरेटेड 1.0 लिटर पेट्रोल इंजिन आहे. हे इंजिन 72 hp पॉवर आणि 96 Nm पीक टॉर्क जनरेट करतं. या इंजिनद्वारे, 18.75 kpl इतका माइलेज मिळेल असा कंपनीचा दावा आहे.

10/15

तर, दुसरं इंजिन 1.0 लिटर टर्बो पेट्रोल इंजिन आहे. हे इंजिन 100 hp पॉवर जनरेट करतं. 5 स्पीड मॅन्युअल ट्रां​समिशनसह हे इंजिन 160 Nm टॉर्क आणि 20 kpl मायलेज देईल. तर, CVT गिअरबॉक्ससोबत 152 Nm टॉर्क आणि 17.7 kpl मायलेज मिळतो.

11/15

Nissan Magnite च्या केबिनच्या प्रीमियम फीचर्समध्ये Android Auto व Apple CarPlay ला सपोर्ट करणारी 8 इंच टचस्क्रीन इन्फोटेन्मेंट सिस्टिम, सेगमेंट फर्स्ट 360 डिग्री अराउंड व्यू मॉनिटर, इन बिल्ट टायर प्रेशर मॉनिटर, 7 इंच टीएफटी इंस्टूमेंट क्लस्टर अशा फिचर्सचा समावेश आहे. याशिवाय व्हॉइस रिकग्निशन, ऑटोमॅटिक एसी, क्रूज कंट्रोल, हाइट अॅडजस्टेबल ड्रायव्हर सीट हे फिचर्सही आहेत.

12/15

सुरक्षेच्या दृष्टीकोनातून या एसयूव्हीमध्ये EBD सोबत ABS, ट्रॅक्शन कंट्रोल, हिल स्टार्ट असिस्ट, ड्युअल एअरबॅग्स, व्हेइकल डायनॅमिक्स कंट्रोल असे दर्जेदार फिचर्स आहेत.

13/15

या एसयूव्हीच्या निवडक व्हेरिअंटमध्ये कंपनी ‘टेक पॅक’ देखील देत आहे. यात वायरलेस स्मार्टफोन चार्जिंग पॅड, एअर प्युरिफायर, जेबीएल स्पीकर्स, एंबियंट मूड लायटिंग फिचर्सचा समावेश आहे.

14/15

Nissan Magnite च्या पुढील बाजूला लार्ज सिंगल पीस ग्रिल, L शेपमध्ये LED DRLs, एलईडी लाइट गाइड, LED Bi-प्रोजेक्टर हेडलॅम्प्स, LED फॉग लॅम्प्स आहे. याशिवाय faux स्किड प्लेट्स, स्प्लिट रॅपअराउंड LED टेल लॅम्प्स आणि ड्युअल टोन अॅलॉय व्हील्स आहे.

15/15

किंमत : 'निसान इंडिया'ने आपल्या या नवीन एसयूव्हीच्या बेसिक व्हेरिअंटची किंमत 5.54 लाख रुपये (एक्स-शोरुम) ठेवली आहे. पण 31 डिसेंबरपर्यंत बूकिंग करणाऱ्या ग्राहकांसाठी या गाडीची किंमत 4.99 लाख रुपये असेल. त्यामुळे कमी किंमतीत खरेदी कऱण्यासाठी आता काहीच दिवस उरले आहेत. Nissan Magnite ची विक्री भारतातून सुरू झाली असून ग्लोबल मार्केटमध्ये ही गाडी काही कालावधीनंतर उपलब्ध केली जाणार आहे. भारतात या एसयूव्हीची टक्कर ह्युंडाई व्हेन्यू, महिंद्रा XUV 300, फोर्ड इकोस्पोर्ट, टोयोटा अर्बन क्रुजर, होंडा WR-V, किया सोनेट आणि मारुती सुझुकी व्हिटारा ब्रेझा अशा लोकप्रिय गाड्यांसोबत असेल. मारुतीच्या ब्रेझाची बेसिक एक्स-शोरुम किंमत 7.34 लाख रुपये आहे. म्हणजेच मॅग्नाइट ब्रेझापेक्षा जवळपास 2.35 लाखांनी स्वस्त आहे. ( सर्व फोटो : https://www.nissan.in/ )