-
भाज्या आणि सॅलेड यांचा आहारात समावेश असल्यास आरोग्या उत्तम राहण्यास मदत होते. सॅलेड खाणे आरोग्यासाठी चांगले असते असे आपण अनेकदा ऐकतो पण गाजरामुळे शरीराला नेमके कोणते फायदे होतात याबाबत आपल्याला म्हणावी तितकी माहिती नसते. कधी गाजर हलवा आवडतो म्हणून तर कधी ताटात वाढले म्हणून इतकेच गाजर खाल्ले जाते. मात्र गाजराचा आहारात नियमित समावेश केल्यास त्याचा निश्चितच फायदा होतो. पाहूयात काय आहेत गाजराचे फायदे..
-
गाजरामध्ये तंतूमय पदार्थ जास्त असल्याने पचनशक्ती सुधारण्यास मदत होते.
-
गाजरात असणारे बिटा कॅरोटिन कॅन्सरला प्रतिबंधक ठरतं.
-
गाजराचं सेवन केल्यानं शरीरात ऊर्जा टिकून राहण्यास मदत होते. त्यामुळे शक्ती टिकून राहते आणि आपण अधिक कार्यक्षम होतो.
-
गाजरात ए व्हिटॅमिन जास्त प्रमाणात असते. त्यामुळे गाजर नियमित खाल्ल्यास चष्म्याचा नंबर कमी व्हायला मदत होते.
-
गाजराचा रस आणि मध एकत्र करून त्याचे ज्यूस प्यावा.
-
गाजरात कॅल्शियम, फायबर, व्हिटॅमिन सी, बी इत्यादी शरीराला आवश्यक असणारे घटक असतात. त्यामुळे हृदयरोग असणाऱ्यांच्या आहारात गाजर असायलाच हवे.
-
कोणत्याही आजाराशी सामना करण्यासाठी रोगप्रतिकारक शक्ती वाढविणे गरजेचे आहे. गाजरामुळे रोगप्रतिकारक शक्ती वाढते.
-
नियमित गाजर खाल्ल्यास हृदयरोग होण्याची शक्यता कमी असते.
-
ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. त्यातील मतांशी ‘लोकसत्ता ऑनलाइन’चा संबंध नाही. त्यामुळे कोणताही वैद्यकीय उपचार करण्यापूर्वी आरोग्यतज्ज्ञांशी व डॉक्टरांशी सल्लामसलत करणे आवश्यक आहे.
मराठमोळ्या अभिनेत्रीसह २२ वर्षांपासून लिव्ह इनमध्ये राहतोय अभिनेता; लग्नाबद्दल म्हणाला, “मी कायम माझ्या…”
