जेवणात मीठ जास्त झालं आहे? मग ‘हे’ पर्याय वापरून बघाच

1/15

मीठाशिवाय आपण पदार्थांची, जेवणाची कल्पना करूच शकत नाही.

2/15

पण पदार्थात बनवत असताना जरा जरी जास्त मीठ झालं तर चव बिघडते.

3/15

वेगेवगळ्या मसाल्यांपेक्षाही जेवणात मीठ फार महत्त्वाचे आहे.

4/15

सुदैवाने, पदार्थामधून जास्त मीठ काढून टाकण्याचे बरेच सोपे मार्ग आहेत.

5/15

रस्सा किंवा ग्रेव्हीच्या भाजीमध्ये मीठ जास्त झाल्यास तुम्ही ब्रेडचे तुकडेही घालू शकता. ब्रेड जास्तीचे मीठ शोषून घेईल.

6/15

कच्च्या बटाट्याचे काही काप करून खारट ग्रेव्ही, डाळ किंवा सूपमध्ये टाका. बटाट्याचे काप सुमारे २० मिनिटे राहू द्या आणि डिश सर्व्ह करण्यापूर्वी बटाट्याचे काप डिशमधून काढून टाका.

7/15

पिठाचे छोटे गोळे बनवा भाजीमध्ये किंवा अन्य शिजवत असलेल्या डिशमध्ये घाला. त्यांना १०-१५ मिनिटे ठेवा आणि सर्व्ह करण्यापूर्वी गोळे बाहेर काढा.

8/15

आपल्या करीमध्ये १-२ चमचे दही किंवा मलाई घाला जेणेकरून अतिरिक्त मीठाचा प्रभाव कमी होण्यास मदत होईल. यामुळे हे डिशच्या चवीमध्ये फारसा बदल होत नाही. तुम्हाला आवडेल अशीच चव येते.

9/15

तूपाचा वापर वरण किंवा अन्य रस्सा भाजीमध्ये केल्यास मीठ कमी करता येईल.

10/15

जर तुम्ही फक्त एक चिमूटभर अतिरिक्त मीठ घातले असेल तर ते संतुलित करण्यासाठी तुम्ही चिमूटभर साखर घालू शकता. पण जर जास्त मीठ झालं असेल तर अन्य पर्याय वापरा.

11/15

जर ग्रेव्हीमध्ये जास्त मीठ झालं तर पाणी घाला आणि उकळवा. डिशमधील अतिरिक्त मीठ संतुलित करण्यासाठी पाणी हा सर्वात सामान्य उपाय आहे.

12/15

लिंबाचा रस सहजपणे मीठ कमी करू शकतो. सोबतच पदार्थाला वेगळी चवही आणतो.

13/15

सुकी भाजीमध्ये मीठ जास्त झालं असेल तर चण्याची डाळ घाला. २-३ चमचे भाजून डाळ वापरा.

14/15

चण्याच्या डाळीप्रमाणे सुकी भाजीत मीठ जास्त झालं असेल तर २-३ चमचे बेसन त्यात घाला.

15/15

काजू पेस्ट हा एक उत्तम पर्याय आहे. यामुळे पदार्थातील मीठ कमी होईलच पण सोबतच अजून छान चवही येईल. (All Photo: Pixbay & Freepik)