-
गणेशोत्सव म्हटलं की काही गोष्टी ओघाने आल्याच खरेदी, मखर, मोदक, आरती अशी बरीच मोठी यादी आहे. म्हणजे बाकी सगळ्या गोष्टींच ठिकं आहे पण आरती हा खूप जवळचा विषय पण तितकाच अनेकांना न जमणारा. पहिलं कारण म्हणजे अनेकांना आरती पाठच नसते आणि दुसरं म्हणजे पाठ असली तरी उच्चार आणि शब्द नीट ठाऊक नसतात. अनेकजण बिनधास्त बाप्पासमोरही चुकीची आरती म्हणून मोकळे होतात. मग अगदी 'फळीवरच्या वंदना'पासून ते 'संकष्टी'लाच पावण्यापर्यंत अनेक मागण्या असे भक्त गणरायाकडे करतात.
-
मोठ्ठ पोट आणि मोठे कान असणारा बाप्पा गपचूप ते ऐकून घेतो आणि तथास्तू म्हणतो. पण अनेकांना चुकीच्या पद्धतीने म्हटली जाणारी आरती खटकते. आणि सालाबादप्रमाणे दर गणेशोत्सवाआधी आरतीमधील उच्चारांचे विनोद व्हायर करुन त्यांच्यामार्फत स्पष्ट उच्चार करण्याचे प्रबोधन केले जाते. असेच काही चुकीचे आणि बरोबर उच्चार आम्ही तुम्हाला सांगत आहोत या खास फोटोगॅलरीमधून. वाचा आणि चुकू नका कारण बाप्पासमोर आरती म्हणता 'चुकीला माफी नाही!'
-
संकष्टी पावावे नव्हे! संकटी पावावे
-
ओवाळू आरत्या सुरवंटया येती नव्हे! ओवाळू आरत्या कुरवंड्या येती
-
दास रामाचा वाट पाहे सजणा नव्हे! दास रामाचा वाट पाहे सदना
-
फळीवर वंदना नव्हे! फणिवरबंधना
-
कायेन वाचा मच्छिन्द्र देवा नव्हे! कायेन वाचा मनसेंद्रियैर्वा
-
दीपकजोशी नमोस्तुते नव्हे! दीपज्योती नमोस्तुते
-
ओटी शेंदुराची नव्हे! उटी शेंदुराची
-
वक्रतुंड त्रिनेमा नव्हे! वक्रतुंडत्रिनयना
-
लवलवती विक्राळा नव्हे! लवथवती विक्राळा
-
येत्या १० सप्टेंबर ते १९ सप्टेंबर या कालावधीत गणेशोत्सव साजरा होणार आहे.
मराठमोळ्या अभिनेत्रीसह २२ वर्षांपासून लिव्ह इनमध्ये राहतोय अभिनेता; लग्नाबद्दल म्हणाला, “मी कायम माझ्या…”
