-
दिवाळी म्हणजे दिव्यांचा सण. या काळात घरासमोर असणारा आकाशकंदील, पणत्या, रांगोळी घराची शोभा वाढवतात.
-
प्रकाशाचा उत्सव असलेल्या दीपावलीच्या सणाचे अवघ्या काही दिवसांनी आगमन होणार आहे.
-
सध्या बाजारात विविध प्रकारचे आकाशकंदील विक्रीसाठी दाखल झाले आहेत.
-
प्लास्टिकबंदी तसेच चिनी साहित्यावर बहिष्कार टाकल्याने बाजारात भारतीय बनावटीच्या साहित्याला मोठी मागणी सुरू झाली आहे.
-
सध्या सोशल मीडियावर अशाच एका आकाश कंदिलाची चर्चा रंगली आहे.
-
साधारणपणे खणापासून तयार केलेले ड्रेस, ब्लाऊज, पर्स हे आपण ऐकलं आणि पाहिलंही असेल. पण कधी खणापासून तयार केलेला आकाश कंदील पाहिला आहे का?
-
‘आश्वी डिझाइन्स’ या ब्रॅण्डने दिवाळीसाठी खणाचे आकाशकंदील डिझाइन केले आहेत.
-
महाराष्ट्राच्या संस्कृतीत खणाच्या कापडाचं एक वेगळंच महत्त्व आहे.
-
काळाचौकीमध्ये राहणारी निकिता लाड हिच्या कल्पनेतून ‘आश्वी डिझाइन्स’ हा ब्रॅण्ड साकारला गेला आहे.
-
पर्यावरणपूरक दिवाळीची कास धरत लाकडाला खण कापडाची जोड देत हे आकाशकंदील तिने तयार केले आहेत.
-
सण-उत्सव साजरा करताना पर्यावरणाची काळजीही घ्यायला हवी. त्यामुळे पर्यावरणपूरक कंदील तयार करण्यावर भर देत असल्याचे निकिताने सांगितले.
-
अत्यंत आकर्षक आणि देखण्या दिसणाऱ्या या कंदिलांना सध्या खरेदीदारांकडून प्रचंड प्रतिसाद मिळत आहे.
-
हे कंदील दीर्घकाळ टिकणारे आहेत.
-
‘आश्वी डिझाइन्स’ या इन्स्टाग्राम पेजवरून हे आकाशकंदील तुम्हाला ऑनलाइनसुद्धा ऑर्डर करता येतील.
-
(सर्व फोटो सौजन्य : आश्वी डिझाइन्स / इन्स्टाग्राम)
Deenanath Mangeshkar Hospital : पुण्यातील ‘त्या’ नवजात जुळ्या मुलींसाठी राज्य सरकारचा मोठा निर्णय; पीडित कुटुंबियांच्या भेटीनंतर मुख्यमंत्र्यांनी केले जाहीर!
