Photos : कांदा खाल्ल्याने शरीरावर कोणते परिणाम होतात? जाणून घ्या

1/12

बऱ्याच जणांना जेवणाबरोबर कांदा खायला आवडतो. कांद्यामध्ये अनेक पोषक तत्त्व आढळतात, त्यामुळे त्याचे शरीराला अनेक फायदे मिळतात.

2/12

उन्हाळ्यात तज्ञांकडून कांदा खाण्याचा सल्ला दिला जातो. यामुळे शरीरातील उष्णता जास्त वाढत नाही. कांद्याचे सेवन करण्याबरोबरच अनेक स्त्रिया केसगळतीसाठी कांद्याच्या रसाचा वापर करतात. असे अनेक फायदे असणाऱ्या कांद्याचे आरोग्याला काही तोटे देखील होऊ शकतात, हे बऱ्याच जणांना माहित नसते.

3/12

कांद्यामध्ये सोडियम, पोटॅशियम, जीवनसत्त्व ए, सी आणि ई यांसह कॅल्शियम, मॅग्नेशियम, लोह आणि फॉस्फरस भरपूर प्रमाणात आढळतात.

4/12

कांद्यामध्ये अँटी-एलर्जिक, अँटी-ऑक्सिडंट आणि अँटी-कार्सिनोजेनिक गुणधर्म देखील आढळतात. त्यामुळे कांदा एक प्रकारचे सुपरफूड मानले जाते. कांदा खाल्ल्याने काय फायदे आणि तोटे होऊ शकतात जाणून घ्या.

5/12

कांदा खाल्ल्याने आरोग्याला कोणते फायदे मिळतात जाणून घ्या.

6/12

हृदयासाठी फायदेशीर : एका अहवालानुसार, कांद्यामध्ये फ्लेव्होनॉइड्सचे गुणधर्म असतात, जे शरीरातील खराब कोलेस्ट्रॉल कमी करण्यास मदत करतात. याशिवाय कांद्यात असणाऱ्या थियो सल्फाइट्सच्या सेवनाने रक्ताची स्थिरता टिकून राहण्यास मदत मिळते. यामुळे हृदयविकाराचा झटका आणि स्ट्रोकचा धोका कमी होऊ शकतो.

7/12

हाडांसाठी फायदेशीर : कांद्यामध्ये भरपूर प्रमाणात कॅल्शियम आढळते त्यामुळे कांद्याचे नियमित सेवन केल्याने हाडे मजबूत होतात.

8/12

कांदा खाल्ल्याने आरोग्यावर काय दुष्परिणाम होऊ शकतात जाणून घ्या.

9/12

लो शुगरची समस्या असणाऱ्यांना ठरू शकते त्रासदायक : ज्या व्यक्तींना लो शुगरची समस्या असते त्यांनी कांद्याचे सेवन कमी करावे. कारण कांद्यामुळे साखरेची पातळी आणखी कमी होण्याची शक्यता असते.

10/12

बद्धकोष्ठता आणि पोटात दुखणे : कांद्यामध्ये फायबरचे प्रमाण जास्त असते, ज्यामुळे पोटाचे विकार उद्भवू शकतात. कच्चा कांदा जास्त प्रमाणात खाल्ल्याने पोटदुखी आणि बद्धकोष्टतेची (Constipation) समस्या उद्भवू शकते.

11/12

(येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्या.)

12/12

(फोटो सौजन्य : Freepik)